U Iranie zajavili, što Tramp pavinien źmianić ton, kali choča damovy
Raniej prezident ZŠA zajaviŭ, što «biez sumnievu» addaść zahad na čarhovaje bambavańnie jadziernych abjektaŭ Irana, kali paličyć heta nieabchodnym.
U Iranie zajavili, što nie buduć ciarpieć abraz, i kali prezident ZŠA Donald Tramp «chacieŭ by damovy», jon pavinien spynić «niavietlivy i nieprymalny ton» u dačynieńni da viarchoŭnaha lidara Irana ajatały Ali Chamieniei. Pra heta ministr zamiežnych spraŭ Irana Abas Arahčy napisaŭ u X.
«Kali prezident Tramp ščyra choča damovy, jon pavinien spynić niavietlivy i nieprymalny ton u dačynieńni da viarchoŭnaha lidara Irana, vialikaha ajatay Chamieniei…», — napisaŭ jon
Pavodle słoŭ Arahčy, Tramp taksama pavinien spynić prynižeńnie miljonaŭ prychilnikaŭ Chamieniei.
Arahčy zajaviŭ, što iranski narod «pakazaŭ śvietu, što ŭ izrailskaha režymu NIE MAJE INŠAHA VYCHADU, jak tolki BIEHČY da 'tatki', kab paźbiehnuć źniščeńnia našymi rakietami, nie ŭsprymaje pahroz i abraz».
Ministr papiaredziŭ, što ŭ vypadku paharšeńnia situacyi «Iran, nie vahajučysia, pakaža svaje realnyja mahčymaści, jakija pakładuć kaniec lubym iluzijam nakont mahutnaści Irana».
«Dobraja vola naradžaje dobruju volu, a pavaha naradžaje pavahu».
Tramp zaklikaŭ Iran da «biezumoŭnaj kapitulacyi» i vystupiŭ z pahrozami na adras viarchoŭnaha lidara Irana ajatały Ali Chamieniei na fonie rostu napružanaści pamiž Tehieranam i Izrailem.
Taksama Tramp zajaviŭ, što «biez sumnievu» addaść zahad na čarhovaje bambavańnie jadziernych abjektaŭ Irana, kali paličyć heta nieabchodnym.
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach25
Kamientary