U Baku palicejskija pravodziać apieracyju ŭ ofisie rasijskaha ahienctva «Sputnik Azierbajdžan». Inšyja padrabiaznaści pakul nieviadomyja, piša Rasijskaja słužba Radyjo Svaboda.
Hałoŭny redaktar miedyjahrupy «Rośsija siehodnia» Marharyta Simańjan raspaviała, što supracoŭniki Pasolstva Rasii ŭ Baku vyjechali da ofisa vydańnia. «Supracoŭniki nie vychodziać na suviaź — vidavočna, pazbaŭleny dostupu da telefona. Siarod ich jość hramadzianie Rasii», — napisała jana ŭ svaim telekram-kanale.
U lutym pradstaŭnik MZS Azierbajdžana Ajchan Hadžyzade abviaściŭ ab likvidacyi «Sputnik Azierbajdžan» i dadaŭ, što miedyja moža atrymać akredytacyju na pracu adnaho karespandenta. Report piša, što niahledziačy na heta, «akazałasia, što ahienctva praciahvaje svaju dziejnaść, a jaho supracoŭniki vychodziać na pracu».
Ułady Azierbajdžana vyrašyli skaracić kolkaść supracoŭnikaŭ redakcyi z 40 da adnaho ŭ metach «adnaŭleńnia bałansu ŭ ŭmovach, u jakich pracujuć azierbajdžanskija dziaržaŭnyja vydańni za miažoj, i zamiežnyja žurnalisty» ŭ Baku.
Adnosiny pamiž Azierbajdžanam i Rasijaj abvastrylisia paśla taho, jak 27 červienia ŭ Jekaciarynburhu byli zatrymanyja bolš za 50 čałaviek azierbajdžanskaha pachodžańnia. Zahinuli dva čałavieki. Jašče dvoje atrymali padčas rejdu surjoznyja ranieńni. Baku zapatrabavaŭ pryciahnuć vinavatych da adkaznaści.
MZS Rasii zajaviła, što zatrymańni pravodzilisia ŭ ramkach rasśledavańnia ciažkich złačynstvaŭ, a situacyja znachodzicca pad kantrolem. Pradstaŭnica viedamstva Maryja Zacharava ŭdakładniła, što havorka idzie pra spravy, źviazanyja z zabojstvami, učynienymi ŭ 2001, 2010 i 2011 hadach.
Ciapier čytajuć
U Minsku kidajuć budavać treciuju liniju mietro ŭ Zialony Łuh. Usie siły pojduć na čaćviortuju, kalcavuju1
U Minsku kidajuć budavać treciuju liniju mietro ŭ Zialony Łuh. Usie siły pojduć na čaćviortuju, kalcavuju
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz6464
Kamientary