Abituryjenty zmohuć padać dakumienty ŭ VNU praz elektronnuju čarhu
Upieršyniu ŭ Biełarusi abituryjenty zmohuć padavać dakumienty dla pastupleńnia ŭ VNU praz elektronnuju čarhu. Pra heta 2 lipienia paviedamiŭ na pres-kanfierencyi ŭ Minsku načalnik hałoŭnaha ŭpraŭleńnia prafiesijnaj adukacyi Ministerstva adukacyi Siarhiej Piščoŭ.
Pavodle słoŭ čynoŭnika, zarehistravacca možna praz asabisty kabiniet na sajcie Respublikanskaha instytuta kantrolu viedaŭ (RIKV). Paśla rehistracyi infarmacyja aŭtamatyčna pieradajecca ŭ abrany ŭniviersitet.
Taki farmat uviali, kab skaracić čas čakańnia pry padačy dakumientaŭ i dazvolić VNU lepš arhanizavać pryjom. Heta asabliva aktualna ŭ pieršyja i apošnija dni pryjomnaj kampanii.
U toj ža čas zastajecca mahčymaść padać dakumienty ŭ zvyčajnym paradku — u žyvoj čarzie, jak i raniej.
Piščoŭ taksama paviedamiŭ, što sioleta płanujecca pryniać 48,2 tysiačy studentaŭ, ź ich 31,8 tysiačy — na biudžet (heta na 400 bolš, čym letaś).
U toj ža čas u Biełarusi ŭsio jašče niama mahčymaści praz adzin anłajn-partał padavać dakumienty ŭ niekalki VNU adrazu — jak heta zroblena ŭ niekatorych jeŭrapiejskich krainach. Choć takaja inicyjatyva abmiarkoŭvałasia, pakul poŭnaściu ličbavuju sistemu nie ŭdałosia ŭkaranić z-za arhanizacyjnych i techničnych ciažkaściaŭ.
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu
Kamientary