Taksist zdaŭ palicyi troch rasijskich dezierciraŭ, nie abyšłosia biez stralaniny
U Charcyzsku na akupavanaj Rasijaj častcy terytoryi Danieckaj vobłaści miascovy taksist dapamoh palicyi zatrymać troch dezierciraŭ z rasijskaj armii. Adzin ź ich padčas zatrymańnia sprabavaŭ uciačy i byŭ zastreleny, piša telehram-kanał Baza.
Pavodle infarmacyi «Bazy», 3 lipienia 20-hadovy taksist Dźmitryj paviedamiŭ u palicyju, što ŭziaŭ pasažyraŭ, jakija źbiralisia jechać da punkta propusku «Uśpienka», i padazraje, što jany mohuć być deziercirami.
Siłaviki, atrymaŭšy infarmacyju, chutka vyjechali na miesca, dzie spynili i zabłakavali aŭtamabil.
Pasažyry zachvalavalisia. Adzin ź ich, jaki siadzieŭ śpieradu, vybiŭ dźviery i kinuŭsia naŭcioki. U rukach u jaho zaŭvažyli nož. Palicejski zrabiŭ papieradžalny streł u pavietra, ale ŭciakač nie spyniŭsia — tady supracoŭnik palicyi streliŭ jašče raz i śmiarotna paraniŭ mužčynu. Jahonych tavaryšaŭ uziali žyvymi.
Paśla vyśvietliłasia, što ŭsie troje sapraŭdy byli ŭ vyšuku za samavolnaje pakidańnie vajskovaj čaści. Zatrymanyja — 35-hadovy mužčyna sa Śviardłoŭskaj vobłaści i 29-hadovy z Buracii. Zahinuły — 32-hadovy žychar Krasnajarskaha kraju. Usie troje raniej udzielničali ŭ vajskovych dziejańniach suprać Ukrainy, dla čaho byli vyzvalenyja z kałonij.
Bolš za 20 tysiač rasijskich vajskoŭcaŭ sudzili za admovu vajavać suprać Ukrainy
«Sa 100 šturmavikoŭ u žyvych zastalisia tolki 8». Vahnieraviec raskazaŭ pra maštab strat u bajach na miažy z Ukrainaj
Za Rasiju va Ukrainie vajujuć tysiačy najmitaŭ ź jak minimum paŭsotni krain śvietu. Chto jany?
U rasijskim Krasnadary kala 100 dezierciraŭ iznoŭ pasprabavali ŭciačy z častki
Ciapier čytajuć
Kamientary