KNDR moža nakiravać u Rasiju 25000 čałaviek na zavody pa vytvorčaści dronaŭ
Paŭnočnaja Kareja razhladaje adpraŭku ŭ Rasiju da 25000 čałaviek dla navučańnia navykam vytvorčaści i kiravańnia dronami, paviedamlaje japonskaja teleradyjokampanija NHK sa spasyłkaj na dypłamatyčnyja krynicy ŭ Rasii i na Zachadzie. Miarkujecca, što paŭnočnakarejcy buduć vučycca na pradpryjemstvie pa vytvorčaści BPŁA «Hierań» u Jałabuzie.
Paŭnočnaja Kareja choča dapamahčy Rasii ŭ vytvorčaści dronaŭ.
Na minułym tydni kiraŭnik Hałoŭnaj upravy raźviedki Ukrainy Kirył Budanaŭ zajaviŭ, što Rasieja pačała dapamahać Paŭnočnaj Karei asvojvać vytvorčaści ŭdarnych dronaŭ vialikaj dalokaści. Pavodle jaho słoŭ, dasiahnuty pahadnieńni ab zapusku na terytoryi KNDR vytvorčaściaŭ bieśpiłotnikaŭ typaŭ «harpii» i «hierań».
Budanaŭ padkreśliŭ, što častka vyrablenych u KNDR dronaŭ moža pastaŭlacca nazad u Rasiju dla vykarystańnia suprać Ukrainy. Pakul Rasija vyrablaje kala 2000 dronaŭ u miesiac i płanuje pavialičyć abjomy vypusku da 5000 adzinak.
Pa ŭłaśniku «Softkłuba» Sirotku, jaki siadzić u SIZA KDB, prylacieła i ad Polščy — na jaho kryptabiržu Bynex nakłali sankcyi2
Kamientary