Starbucks pradpisała kantorskim rabotnikam pracavać u ofisie čatyry dni na tydzień
Da hetaha rabotnikam Starbucks treba było pracavać u ofisie try dni na tydzień.
Sietka kaviarniaŭ Starbucks, pazbaŭlajučysia ad spadčyny pandemii kavidu ŭ vyhladzie pracy z domu, pradpisała svaim kantorskim rabotnikam u ZŠA i Kanadzie pryjazdžać u ofis čatyry dni na tydzień, piša Bi-bi-si.
Da hetaha rabotnikam Starbucks treba było pracavać u ofisie try dni na tydzień, ciapier ža, pačynajučy z kastryčnika, im treba budzie źjaŭlacca na pracu z paniadziełka pa čaćvier.
Tym, chto nie zachoča amal uvieś čas pracavać u ofisie, daviadziecca zvolnicca. Im budzie prapanavana adnarazovaja vypłata.
Inšyja bujnyja amierykanskija kampanii, naprykład, Amazon abo bank JP Morgan, taksama pastupova skaračajuć pracu z domu.
Tym nie mienš, kamanda daśledčykaŭ ź niekalkich univiersitetaŭ, uklučajučy Stenfardski, vyśvietliła, što ŭ cełym dola tych, chto pracuje z domu ŭ ZŠA, zastajecca stabilnaj.
Pavodle ich padlikaŭ, pracadaŭcy całkam viarnuli ŭ ofisy kala traciny rabotnikaŭ, jakija mohuć pracavać z domu. Kala adnoj piataj usio jašče całkam pracujuć z domu, i kala 45% pracujuć pa źmiešanym hrafiku.
Što tyčycca Starbucks, to jaho kiraŭnik Brajan Nikoł zajaviŭ u adkrytym liście da supracoŭnikaŭ, što viartańnie ŭ ofisy, pa jaho pierakanańni, pavysić jakaść pracy i dapamoža zmahacca z padzieńniem prodažaŭ.
«My razumiejem, što nie ŭsie pahodziacca z hetym novym padychodam. My ŭvažliva ŭsich vysłuchali i staranna abdumali. Ale my ličym, što heta — pravilny šlach dla našaj kampanii, pabudavanaj na čałaviečych suviaziach», — napisaŭ Nikoł.
Sam Nikoł pryjšoŭ u Starbucks hod tamu, pavodle kantrakta ad jaho nie patrabavałasia pierajazdžać z rodnaj Kalifornii ŭ Sietł, dzie raźmieščana štab-kvatera kampanii. Zamiest hetaha kantrakt praduhledžvaŭ abuładkavańnie nievialikaha asabistaha ofisa Nikoła ŭ Kalifornii. Ale ŭ vyniku jon usio ž taki kupiŭ dom u Sietle.
Viartańnie ŭ ofisy — heta tolki častka źmien, raspačatych Nikkołam, kab ažyvić biźnies kampanii. Płany Nikoła ŭklučajuć pierahlad asartymientu, admienu praviłaŭ, pavodle jakich ludziam dazvalałasia, ničoha nie nabyvajučy, siadzieć u kaviarniach i karystacca prybiralniami.
Akramia taho, u lutym kampanija abviaściła pra skaračeńnie 1100 z 16 tysiač svaich kantorskich supracoŭnikaŭ. Tych, chto pracuje niepasredna ŭ kaviarniach i na składach, skaračeńnie nie zakranuła.
-
«Maleńkaja pasłuha biełaruskim uładam». Deputaty «Alternatyvy dla Hiermanii» zrabili zapyt svajmu ŭradu pra finansavańnie «Bajsoła» i biełaruskich palitviaźniaŭ
-
Ryanair i Finnair pryznali najhoršymi avijakampanijami Jeŭropy
-
U Vałahodskaj vobłaści RF most abrynuŭsia pad viernikami prosta padčas chresnaha chodu
Ciapier čytajuć
Dačka Nadziei Jermakovaj pastaŭlaje rybu ŭ kałonii, balnicy i siłavikam7
Kamientary