U Rasii małankaj zabiła na plažy troch čałaviek. Jak tak atrymałasia?
U rasijskaj Tulskaj vobłaści małanka zabiła troch čałaviek, u tym liku dzicia, i paraniła jašče čaćviarych. Incydent adbyŭsia 14 lipienia ŭ pansijanacie «Šachcior» na bierazie Aki.
Małanka trapiła ŭ vilhotny piasok pobač z rakoj. Paśla hetaha tokam udaryła niekalki čałaviek, jakija znachodzilisia pablizu. Adnak tyja, chto byŭ u słancach abo paśpieŭ adyści na značnuju adlehłaść, zastalisia žyvyja.
Usie troje zahinułych, pa papiaredniaj infarmacyi, byli na plažy biez abutku.
Heta 13-hadovy chłopčyk, 50-hadovaja žančyna i 55-hadovy mužčyna, paviedamlaje vydańnie «Tuła anłajn».
Z čatyroch paciarpiełych dvoje špitalizavanyja, adna žančyna znachodzicca ŭ ciažkim stanie. Jašče dvaim — mužčynu i padletku — dapamohu akazali na miescy.
Razrad byŭ takoj siły, što hrukat čuli ŭ damkach na terytoryi park-hatela. Niekatoryja adpačyvalniki spačatku padumali, što heta vybuch.
Kamientary