14 lipienia Alaksandr Łukašenka padpisaŭ ukaz № 273, zhodna ź jakim da 1 studzienia 2028 hoda budzie dziejničać sproščany paradak afarmleńnia dakumientaŭ na ziamielnyja ŭčastki. Heta značyć, što hramadzianie zmohuć atrymlivać pravy na ziamlu bieź nieabchodnaści raspracoŭvać prajekty advodu.
Palahčeńni zakranuć tych, chto maje ŭčastki dla budaŭnictva i absłuhoŭvańnia adnakvaternych damoŭ, viadzieńnia fiermierskaj haspadarki, sadoŭnictva, dačaŭ, narodnych promysłaŭ, a taksama tych, chto zaniaŭ ziamlu samavolna.
Taki ž sproščany paradak budzie dziejničać i dla arhanizacyj, jakim vydzielenaja ziamla dla šmatkvaternaha žylla i abjektaŭ ŽKH.
Ukaz unosić źmieny ŭ raniejšyja dakumienty — № 463 ad 2017 hoda i № 76 ad 2021 hoda — i praciahvaje termin «ziamielnaj amnistyi» da 1 studzienia 2028 hoda. Heta daść mahčymaść uzakonić samavolna zaniatyja ŭčastki. Raniej hety termin achoplivaŭ pieryjad z 1 vieraśnia 2022 hoda pa 1 vieraśnia 2025-ha.
Kamientary