«Heta treba nastolki daviarać ludziam». U vioscy na Brestčynie adkryli łarok samaabsłuhoŭvańnia biez pradaŭca
U vioscy Rakitna Łuninieckaha rajona Bresckaj vobłaści źjaviŭsia svoj anałah kramy samaabsłuhoŭvańnia, praca jakoj, jak kažuć naviedvalniki, «pabudavana na čałaviečaj sumlennaści». Videa ŭ tyktoku zaŭvažyŭ «Telehraf».
Na kadrach, jakija vykłali naviedvalniki ŭ tyktoku, impravizavany łarok samaabsłuhoŭvańnia — navies, a ŭnutry — pa pierymietry pryłaŭki sa śviežaj harodninaj i pakietami dla ŭpakoŭki.
Na adnym sa stałoŭ — vahi, kalkulatary i skrynka, u jakuju pakupniki kidajuć hrošy za tavar i biaruć adtul reštu pry nieabchodnaści.
«Heta treba nastolki daviarać ludziam! Sami nabirajuć, sami ŭzvažvajuć, sami kładuć hrošy», — ździviłasia takoj stupieni davieru da pakupnikoŭ aŭtarka rolika.
Nieviadoma, ci jość u hetym łarku samaabsłuhoŭvańnia kamiery videanazirańnia, jakija zvyčajna źjaŭlajucca abaviazkovym elemientam abstalavańnia handlovych kropak, što pracujuć pa pryncypie samaabsłuhoŭvańnia.
A voś raspłacicca kartkaj, vidać, možna — na adnym z kadraŭ vidać abjavu z ukazańniem numara raźlikovaha rachunku, na jaki možna pieraličyć hrošy praź sistemu ARIP.
Što pa cenach?
Aŭtarka rolika padzialiłasia i cenami, jakija pastavili na śviežuju harodninu ŭładalniki łarka samaabsłuhoŭvańnia:
- ahurki — 3 rubli, niekandycyja — 2 rubli,
- pamidor — ad 5,5 da 7,5 rubla (u zaležnaści ad hatunku),
- kapusta — 2 rubli,
- bulba — 3 rubli, drobnaja — 2 rubli,
- cybula repčataja — 2 rubli,
- cybula zialonaja — 1 rubiel,
- buraki — 3 rubli,
- kabačok — 2 rubli.
-
Karpiankoŭ abvinavaciŭ apazicyju ŭ «raskładańni imidžu milicyjaniera jak abaroncy»
-
«Za noč my stracili ŭsio». Trahiedyja źniščyła 17 hadoŭ pracy fiermieraŭ — zhareli karovy ź cialatami
-
Były vajennapałonny Butkievič: Biełaruskija turmy možna paraŭnać ź vielmi žorstkimi ŭmovami ŭtrymańnia ŭkrainskich pałonnych u Rasii
Ciapier čytajuć
Cichanoŭskaja pra muža: Uvieś jahony śviet pierakuleny22
Kamientary