14 lipienia padčas sustrečy z delehacyjaj Sankt-Pieciarburha na čale z hubiernataram Alaksandram Biahłovym Alaksandr Łukašenka zajaviŭ, što źbirajecca patrabavać ad svajho ŭrada tłumačeńni za «svavolstvy» ŭ pytańni spraviadlivaha farmiravańnia cen.
Łukašenka zajaviŭ, što ŭ Biełarusi nie admaŭlajucca ad dziaržaŭnaha rehulavańnia, choć, maŭlaŭ, napramuju ŭ ceny nie ŭmiešvajucca. Ułady nibyta sprabujuć nie stolki rehulavać ceny, kolki ŭstaloŭvać spraviadlivyja praviły.
Adnak paśla apošnich vybaraŭ, jak adznačyŭ Łukašenka, u hetaj śfiery pačalisia peŭnyja «svavolstvy», na što skardziacca ludzi. Pres-słužba ŭsio fiksuje i pieradaje jamu, tamu, jak skazaŭ palityk, čynoŭnikam varta rychtavacca da dakładaŭ pa «canie spraviadlivaści».
Łukašenka taksama adznačyŭ, što spraviadlivaść u handli — heta nie tolki ceny, ale i zarobki. Na jaho dumku, niespraviadliva, kali adzin čałaviek atrymlivaje dziasiatki tysiač dalaraŭ, a prosty pradaviec ci kasir — tolki niekalki socień rubloŭ.
Sapraŭdnaje rehulavańnie, pavodle słoŭ Łukašenki — heta kali ŭsie ŭdzielniki łancužka zadavolenyja, a tyja, chto nie daciahvaje da patrebnaha ŭzroŭniu rentabielnaści, pavinny pracavać nad źnižeńniem sabiekoštu, a nie zavyšać ceny dziela ŭłasnaj vyhady.
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT2
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary
Otkuda takije nacienki v sotni procientov bierutsia na pierierabotannyj płastik?