Nieabchodnyja hrošy dla 21-hadovaha palitviaźnia Kiryła Bałachonava sabranyja
Dva tydni tamu eks-palitviazień Kirył Bałachonaŭ, što byŭ vyzvaleny 21 červienia, źviarnuŭsia z prośbaj ab dapamozie.
U 18-hadovym uzroście Kirył byŭ asudžany pa spravie «Sajuza biełaruskaha nacyjanalnaha ščyta», u jakim maładyja ludzi abmieńvalisia infarmacyjaj ab pieramiaščeńni rasijskaj techniki, pisali antyvajennyja dopisy, dzialilisia materyjałami dla TikTok, padtrymlivali inšyja inicyjatyvy kštałtu «Biełaruskaha Hajuna».
«21 červienia 2025 hoda mianie niečakana vyzvalili. Heta było paśla vizitu śpiecpradstaŭnika prezidenta ZŠA. Mianie i jašče niekalkich čałaviek, u tym liku Siarhieja Cichanoŭskaha, adrazu vyvieźli ŭ Litvu. Ja apynuŭsia ŭ inšaj krainie, na voli, ale z adnym pašpartam, biez hrošaj, biez rečaŭ, biez razumieńnia, što rabić dalej. Ciapier usio vielmi niaprosta. Mnie treba niedzie žyć, na niejkija hrošy charčavacca, adnavić dakumienty, chacia b časova ŭładkavacca. I ja prašu dapamohi. Kab pratrymacca i nie pravalicca ŭ haleču ŭ pieršy ž miesiac na voli». Kirył prasiŭ 3100 jeŭra.
Pa stanie na ranicu aŭtorka sabrana 3117 jeŭra.
Ciapier čytajuć
Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim19
Kamientary