Labiedźka pra syna-palitviaźnia: Heta nie bravada, ja hatovy abmianiać siabie na jaho
Daradca Śviatłany Cichanoŭskaj Anatol Labiedźka ŭ prahramie «Svarka-šou» zajaviŭ, što hatovy ŭvajści ŭ śpis ludziej, jakich ułady mohuć abmianiać na palitviaźniaŭ, siarod vyzvalenych pavinien być jaho syn.
Anatol Labiedźka kaža, što jaho syn siadzić zamiest jaho: «I heta moj taksama kryž, jaki ja niasu».
Ale palityk dadaje, što ŭsio roŭna nie adychodzić ad svajoj pazicyi. Jon ličyć, što sankcyi, adnačasovy cisk i z boku amierykancaŭ, i z boku jeŭrapiejcaŭ, mohuć spynić represii. Bo Łukašenka «moža spynić represii adnym pstryčkom palcaŭ, adnym rosčyrkam svajho piara».
I kali kazać pra situacyju z synam, to, pa słovach palityka, jon asabista hatovy pajści ŭ turmu zamiest syna.
«Ja heta čuŭ taksama jak častku dyskusii: jość čorny śpis dla ŭłady. Ja hatovy ŭvajści ŭ hety śpis ułady, u abmienny śpis, być pobač ź inšymi — niachaj budzie dziesiać dla Łukašenki tak zvanych niahodnikaŭ. I davajcie my ich abmianiajem. Ja hatovy, što kali ich abmianiajuć tam na pałovu źniavolenych, jakija siadziać, i siarod ich budzie moj syn — ja hatovy iści tudy. Ja hatovy iści tudy, adkul vyjšaŭ Cichanoŭski. I heta nie niejkaja bravada. Ja adkazvaju, bo ja kažu heta publična», — skazaŭ jon.
Syn Anatola Labiedźki Arciom byŭ zatrymany pavodle abvinavačańnia ŭ finansavańni tak zvanaj ekstremisckaj dziejnaści. Jaho sudzili za danaty ŭ try fondy salidarnaści ŭ 2020 hodzie.
24 žniŭnia 2023 hoda Arciomu pryznačyli try hady i šeść miesiacaŭ kałonii va ŭmovach uzmocnienaha režymu. Jon byŭ uniesieny MUS u «śpis ekstremistaŭ».
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami19
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary
1. Varyjant "Ty pryjazdžaj, a my vypuścim syna": na daviery, jakoha nie moža być. Padmanuć.
2. Varyjant "Dypłamaty na miažy abmianiajuć": nichto z zachodnich dypłamataŭ nie voźmie na siabie transparciroŭku niavinnaha čałavieka ŭ dyktaturu.