Pra namier pieradać Ukrainie piaci sistem Patriot zajaviŭ ministr abarony Hiermanii Barys Pistoryus pa vyniku sustrečy kiraŭnikoŭ abaronnych viedamstvaŭ na amierykanskaj bazie Ramštajn. Płan pa dastaŭcy sistem budzie vyznačany ŭ bližejšyja dni, dadaŭ jon.
«Hiermanija pieradaść dadatkovyja sistemy SPA i nieabchodnyja bojeprypasy. Akramia taho, padčas majoj pajezdki ŭ Vašynhton na minułym tydni ja damoviŭsia ź Pitam Chiehsietam, što Hiermanija dałučycca da zabieśpiačeńnia piaci terminova patrebnych sistem Patriot jak maha chutčej», — skazaŭ Barys Pistoryus.
U svaju čarhu, novapryznačany ministr abarony Ukrainy, były premjer-ministr Dzianis Šmyhal zaklikaŭ jeŭrapiejskich sajuźnikaŭ dapamahčy ź finansavańniem zakupki Patriot u ZŠA.
«Ja prašu ZŠA zrabić hetuju zbroju dastupnaj dla zakupki, a našych jeŭrapiejskich partnioraŭ — dać usio nieabchodnaje finansavańnie dla ich nabyćcia», — skazaŭ jon.
29-ja sustreča ŭ farmacie «Ramštajn» prachodzić anłajn. ZŠA na joj pradstaŭlaje pasoł pry NATA Mećju Uitakier. Heta pieršaja sustreča kantaktnaj hrupy pa pytańniach abarony Ukrainy, na jakoj Dzianis Šmyhal prysutničaje ŭ jakaści ministra abarony.
ZŠA pastaviać zbroju najpierš tym sajuźnikam, jakija addaduć svaje zapasy Ukrainie
ZŠA adkłali ŭzhodnienuju pastaŭku Patriot Šviejcaryi, bo ŭ pryjarytecie Ukraina
ZŠA śpiašajucca pieradać Ukrainie abiacanuju Trampam zbroju jak maha chutčej
Mierc zmoh pierakanać Trampa pry dapamozie «dypłamatyi čekavych knižak»
Tramp zajaviŭ, što rakiety dla Patriot užo adpraŭleny va Ukrainu
Mierc: Mahčymaściaŭ dla dypłamatyčnaha ŭrehulavańnia va Ukrainie bolš niama
Kamientary