ZŠA pastaviać zbroju najpierš tym sajuźnikam, jakija addaduć svaje zapasy Ukrainie
Pavodle infarmacyi vydańnia The Wall Street Journal, administracyja prezidenta ZŠA Donalda Trampa mianiaje padychod da pastavak uzbrajeńnia sajuźnikam: pryjarytet ciapier atrymajuć tyja krainy, jakija hatovyja pieradać Ukrainie častku svaich zapasaŭ, naprykład sistemy supraćpavietranaj abarony Patriot.
Pieršaj u čarzie stała Hiermanija — jana zmoža pieradać Ukrainie dźvie ŭłasnyja sistemy Patriot, bo ZŠA abiacajuć chutka ich zamianić. Heta pieršy vypadak, kali Pientahon dapamahaje takim čynam z pastaŭkami paśla taho, jak Tramp zajaviŭ pra padtrymku dadatkovaj vajskovaj dapamohi Ukrainie.
Pry hetym, jak adznačaje vydańnie, zachodnija vytvorcy zbroi na miažy svaich mahčymaściaŭ — patreby Ukrainy vialikija, ale vytvorčyja linii nie paśpiavajuć.
Płan Trampa praduhledžvaje, što krainy NATO buduć kuplać u ZŠA zbroju, jakuju addaduć Ukrainie. Heta, na dumku Trampa, «spraviadliva»: sajuźniki apłočvajuć novaje ŭzbrajeńnie, a ZŠA jaho pastaŭlajuć. Ceny značnyja — adna batareja Patriot kaštuje bolš za 1 miljard dalaraŭ, a rakieta da hetaha kompleksu — kala 4 miljonaŭ.
Płan raspaŭsiudžvajecca nie tolki na Patriot, ale i na inšyja vidy nastupalnaj i abarončaj zbroi. Pientahon budzie kantralavać uvieś praces. Da płanu ŭžo dałučylisia Hiermanija, Narviehija, Danija, Niderłandy, Šviecyja, Vialikabrytanija, Kanada i Finlandyja. Niekatoryja inšyja krainy hatovyja padtrymać inicyjatyvu paśla ŭdakładnieńnia detalaŭ.
U paniadziełak zapłanavanaja virtualnaja sustreča ministra abarony ZŠA Pita Chiehsieta z kalehami z krain NATO, a ŭ sieradu — asobnaja narada z udziełam krain, što vałodajuć sistemami Patriot.
U toj ža čas jeŭrapiejskija i amierykanskija čynoŭniki adznačajuć, što hałoŭnaja prablema — terminy pastavak i ŭmovy vykarystańnia zachodniaj zbroi. Niekatoryja jeŭrapiejskija stalicy čakajuć, kab Vašynhton rastłumačyŭ, jakija mienavita ŭzbrajeńni buduć pieradadzienyja, kali i ź jakimi abmiežavańniami.
Na hetym tydni Tramp taksama pahražaŭ uviadzieńniem 100% dadatkovych taryfaŭ suprać Rasii, kali Pucin nie pahodzicca na spynieńnie ahniu ciaham 50 dzion.
ZŠA śpiašajucca pieradać Ukrainie abiacanuju Trampam zbroju jak maha chutčej
«Kali ty chočaš vajny — my ŭzbroim Ukrainu, a Jeŭropa za heta zapłacić». Pradstaŭnik ZŠA pry NATA raskazaŭ pra sihnał Pucinu
Tramp: 17 sistem Patriot adpravim va Ukrainu
ZŠA pastaviać praz NATA zbroju Ukrainie na $10 miljardaŭ
Zialenski raskazaŭ pra «miehaździełku» z ZŠA pa ŭzbrajeńniach
Danija dapamoža Ukrainie sa spadarožnikavaj suviaźziu, kab pasłabić zaležnaść ad Maska
Ciapier čytajuć
Paśla biełaruskaj vioski Šnajderaŭ bolš nie biantežyć pytańnie ŁHBT. Siamja z Hiermanii, jakaja stała hierojami prapahandy, viartajecca ŭ ES11
Kamientary
A na miestie Ukrainy ja by načał masovo vierbovať najemnikov. Sdiełať zarpłaty vyšie čiem u najemnikov v rośsijuškie,no pri etom v VSU dołžien byť šans vyžiť namnoho bolšie. Ukraina viediet oboronitielnuju vojnu,pri takoj vojnie potieri nižie,boleje toho rośsijuška słavitsia miasnymi šturmami.To jesť vyhodnieje,čisto matiematičieskij vojevať za Ukrainu.