Škoła ekanomiki i biznesu EHU: što jana saboj ujaŭlaje i čym adroźnivajecca ad BDEU

Pavialičyć

Vybar univiersiteta — važnaje rašeńnie, jakoje ŭpłyvaje nie tolki na budučuju prafiesiju, ale i na koła znosin, miesca žyćcia i karjernyja pierśpiektyvy. Jak zrazumieć, što ŭniviersitet pasuje mienavita vam? Dzie raskryć patencyjał i atrymać navyki, jakija buduć zapatrabavanyja zaŭtra?

Škoła ekanomiki i biznesu EHU prapanuje adkazy na hetyja pytańni. Heta adukacyja novaha farmatu, dzie studenty vučacca być hnutkimi i hatovyja da śvietu, jaki ŭvieś čas źmianiajecca.

Biznes-ekanomika: što robić prahramu asablivaj?

My razhladajem našu prahramu jak padmurak, abapieršysia na jaki kožny student zmoža prakłaści svoj indyvidualny karjerny šlach i zabiaśpiečyć asabistuju kankurentazdolnaść u śviecie ekanomiki i biznesu. U pieryjad navučańnia na prahramie my dajem mahčymaść vyvučać i pasprabavać siabie ŭ roznych vuzkich śfierach ekanomiki i biznesu: analitycy, analizie danych, kiravańni inavacyjami, finansach, mieniedžmiencie, markietynhu, tearetyčnaj ekanomicy i inš. My dajem nie prosta viedy. My farmirujem kampietencyi, jakija zmohuć patencyjał asobnaha studenta transfarmavać u asobasny nabor faktaraŭ kankurentazdolnaści.

Naša prahrama robić akcent na raźvićci pradprymalnickaj inicyjatyvy — studenty vučacca znachodzić idei, abaraniać ich i realizoŭvać va ŭmovach, dzie kankurencyja raście, technałohii raźvivajucca vokamhnienna, a śviet stanovicca ŭsio bolš składanym i niepradkazalnym.

Tut raźvivajuć zdolnaść nie «spraščać», a «ŭskładniać», bačyć śviet va ŭsioj jaho šmatsłojnaści. Krytyčnaje myśleńnie, praca z supiarečnaściami, analiz składanych sistem — biez hetaha niemahčyma prymać pravilnyja rašeńni ŭ sučasnym biznesie.

Vialikaja ŭvaha nadajecca matematycy, statystycy i ekanamietrycy — studenty vučacca pracavać z big data, budavać nadziejnyja madeli i znachodzić sapraŭdnyja pryčynna-vynikovyja suviazi, jakija dapamahajuć prymać stratehična dakładnyja rašeńni.

Kursy pa Data Science i AI dazvalajuć raspracoŭvać ułasnyja daśledčyja madeli i aŭtamatyzavać rucinnuju analityku, vyzvalajučy čas dla kreatyŭnych i niestandartnych rašeńniaŭ.

Vučoba doŭžycca 3,5 hady, prahrama budujecca pa mižnarodnych standartach: pieršy kurs — šmat matematyki i intensiŭnaja anhlijskaja (start navučańnia na ruskaj movie, ź pierachodam na anhlijskuju), dalej — pahłybleny fokus na ekanomiku, biznes, stažyroŭki i realnyja kiejsy.

Pavialičyć

Ekśpiertyza vykładčykaŭ: chto vučyć studentaŭ

Klučavaja pieravaha Škoły ekanomiki i biznesu EHU — mocnaja kamanda vykładčykaŭ.

• Kiraŭnik prahramy — Źmicier Kruk, daktarant Krakaŭskaha ŭniviersiteta, viadučy daśledčyk Belarus Economic Research Senter z 20-hadovym vopytam vykładańnia.
• Viadučyja vykładčyki: Kaciaryna Barnukova, doktar ekanomiki (univiersitet Karłasa III, Madryd); Leŭ Lvoŭski, doktar ekanomiki (univiersitet Ajovy, ZŠA);

Da prahramy pryciahnuta kala 40 haściavych lektaraŭ — ekśpiertaŭ z najlepšych univiersitetaŭ śvietu (Chicago University, Arizona State, Columbia, LSE, UCL, Stockholm School of Economics, SSE-Riga i inš.) i pradstaŭnikoŭ biznesu.

Śpiecyjalisty viadučych IT-kampanij buduć vykładać dyscypliny ŭ śfiery big data i štučnaha intelektu.

Pavialičyć

Vilnia, Jeŭropa, Erasmus+: jak vyhladaje mižnarodnaje supracoŭnictva

Škoła ekanomiki i biznesu aktyŭna raźvivaje partniorstvy i prahramy abmienu. Studenty ŭdzielničajuć u Erasmus+, užo padpisanyja pahadnieńni sa Stakholmskaj škołaj ekanomiki ŭ Ryzie, jość univiersitety-partniory ŭ Polščy i Italii, u płanach — skandynaŭskija krainy, Ispanija, Hiermanija, Centralnaja Jeŭropa.

Pavialičyć

Praktyka, startapy i hnutkaść pracesu: jak realizavać svaje idei ŭžo padčas vučoby

Biznes-ekanomika — heta nie prosta lekcyi. Studenty ŭdzielničajuć u prajektnych majsterniach i raspracoŭvajuć rašeńni dla realnaha biznesu. Tut možna zapuścić ułasny startap z padtrymkaj mientaraŭ, paŭdzielničać u ekanamičnych daśledavańniach i inšych mižnarodnych prajektach.

Uviesnu hetaha hoda minuŭ pieršy studencki kiejs-čempijanat: realnyja biznesy prapanoŭvali zadačy, a studenty šukali rašeńni. Udzielničali 80 čałaviek z 6 krain i 16 univiersitetaŭ. Prajekt poŭnaściu arhanizavali i pravodzili sami studenty Škoły ekanomiki i biznesu.

U płanach — zapusk biznes-inkubatara i biznes-kliniki, dzie studenty zmohuć vyrašać kankretnyja zadačy biznesu, atrymlivajučy vopyt i stvarajučy svoj partfolia.

Hnutkaść — jašče adna klučavaja pieravaha: studenty sprabujuć siabie ŭ roznych śfierach — ad analityki i markietynhu da akademičnaj karjery i startapaŭ. Kožny moža pabudavać svoj šlach:

• Stać analitykami abo mieniedžarami ŭ vysokatechnałahičnym biznesie, kansałtynhu, finansach.
• Śpiecyjalizavacca ŭ sumiežnych halinach: analiz danych, IT, štučny intelekt.
• Praciahnuć navučańnie ŭ mahistraturach najlepšych univiersitetaŭ Jeŭropy i ZŠA.
• Zrabić akademičnuju karjeru.
• Zapuścić ułasny biznes ci startap.

Studenty. Krynica: Škoła ekanomiki i biznesu EHU

Padtrymka i kamjunici: jak prachodzić adaptacyja

Studenty Škoły ekanomiki i biznesu nie zastajucca adnyja — tut nadajuć uvahu kožnamu: dapamahajuć adaptavacca, raźvivać idei i raskryvać mocnyja baki. U kampusie jość kamfortny internat, vizavaja padtrymka i nasyčanaje studenckaje žyćcio. Pierajazdžajučy ŭ inšuju krainu, biełarusy traplajuć u kamfortnaje kamjunici, jakoje padtrymlivaje, niama prablem z adaptacyjaj u Jeŭropie.

Pavialičyć

Chaču vučycca ŭ Jeŭropie: jak mnie pastupić?

Kab stać studentam bakałaŭrskaj prahramy «Biznes-ekanomika» EHU ŭ Vilni, vam nieabchodna:

Zapoŭnić anłajn-ankietu dla pastupleńnia.

Padać dakumienty:

• Nacyjanalny pašpart
• Atestat ab ahulnaj siaredniaj adukacyi abo dypłom ab siaredniaj śpiecyjalnaj adukacyi z dadatkam ź siarednim bałam nie mienš za 7 bałaŭ
• Dakumienty ab zdačy dziaržaŭnych ekzamienaŭ
• Dakumient, jaki paćviardžaje viedańnie anhlijskaj movy / acenka ŭ atestacie nie nižej za 7 bałaŭ dla abituryjentaŭ z krain ES
• Fota 4x6

Prajści sumoŭje

Usiaho try prostyja etapy adździalajuć vas ad pastupleńnia ŭ jeŭrapiejski ŭniviersitet.

Kali vy hramadzianin Biełarusi, vašyja dakumienty prymajucca biez apastyla. Padača dakumientaŭ adbyvacca całkam anłajn.

Na pieršym etapie dastatkova dasłać skany dakumientaŭ. Aryhinały treba budzie pakazać tolki pry pieršym vizicie ŭ Vilniu, užo paśla zaličeńnia.

I važna, što ŭ šerahu vypadkaŭ dla studentaŭ inšych univiersitetaŭ my dajem mahčymaść pieravieścisia da nas na prahramu Biznes-ekanomika adrazu na druhi kurs. Heta mahčyma (z nastupnaj likvidacyjaj akademičnaj roźnicy) dla tych, chto advučyŭsia jak minimum adzin hod u inšych univiersitetach na prahramach, źviazanych sa śfieraj ekanomiki i biznesu. Dla studentaŭ ź Biełarusi — heta ŭnikalnaja mahčymaść «pieranieścisia» na trek sučasnaj ekanamičnaj adukacyi.

Padrabiaźniej možna pračytać tut.

Chočacie daviedacca bolš pra bakałaŭrskuju prahramu Biznes-ekanomika?

Pierachodźcie na sajt Škoły ekanomiki i biznesu EHU i pakińcie svaju zajaŭku na indyvidualnuju kansultacyju. Dedłajn padačy dakumientaŭ — 27 lipienia, ale jaho tradycyjna padaŭžajuć da žniŭnia.

• 3
• 1
• 0
• 0
• 0
• 0
• 0
• 0