Žychar Vilni śćviaržaje, što źniaŭ paniadziełkavy dron na paŭnočnym zachadzie stalicy
U paniadziełak ranicaj, jak miarkujecca, na terytoryju Litvy ź Biełarusi zalacieŭ dron. Adnak jon tak i nie byŭ znojdzieny.
Kamandarm Litvy Rajmundas Vajkšnoras u aŭtorak zajaviŭ, što praviarajucca ŭsie mahčymyja varyjanty, uklučajučy viersiju, što nijaki abjekt u Litvu nie zalataŭ, što heta fejk.
Pavodle słoŭ kamandarma, jość padazreńni, što videa, jakija raspaŭsiudžvajucca, nasamreč byli źniatyja va Ukrainie. Adnak Delfi atrymała adno ź videa, na jakim bačny dron, zafiksavany ŭ stalicy, u mikrarajonie Fabijoniški na paŭnočnym zachadzie stalicy Litvy. Aŭtentyčnaść inšaha videa, jakoje było zroblena ŭ Pašyłajčai, užo dakazanaja analitykami OSINT.
Delfi pahavaryła z adnym ź vidavočcaŭ, Łukasam, jaki padzialiŭsia videa ŭ sacyjalnych sietkach. Jon byŭ aburany zajavami kamandarma, skazaŭ, što nie maje padstaŭ dla raspaŭsiudžvańnia fejkaŭ, bo sam pracuje ŭ dziaržaŭnaj ustanovie.
«Departamient pažarnaj biaśpieki i vyratavańnia rassyłaje paviedamleńnie: «paviedamlaje pra bieśpiłotnik, jaki <…> ranicaj zalacieŭ ź Biełarusi ŭ Litvu». (Paviedamleńnie) uzhodniena z roznymi viedamstvami, i raptam kažuć, što ničoha nie zalatała. <…> Ja nie mahu pravieryć hetyja danyja. <…> Ja padzialiŭsia videa ŭ sacsietkach, pieradaŭ jaho palicyi i LT72. Ja mahu śmieła skazać — ja nie falsifikuju videa, ja sam pracuju ŭ dziaržviedamstvie. Mnie zdajecca, što ŭsie ŭžo sami zabłytalisia ŭ stvoranych historyjach. <…> Maja pazicyja tryvałaja, jość jašče adno videa z Pašyłajčai, u JECP pastupiła bolš za 30 zvankoŭ. Śpiecyjalisty pavinny vyśvietlić, chto i adkul zvaniŭ», — skazaŭ vilančuk.
Different angle of the Russian/Belarusian UAV that entered Lithuanian airspace from Belarus in the early morning today. The video was taken in Pašilaičiai, a densely populated suburb of Vilnius. pic.twitter.com/pwXvJQs5vc
Dron u Pašyłajčaj
«Raźviedka pa adkrytych krynicach (OSINT) dakazała, što ŭ Litvu zalacieŭ varožy dron. Śledčyja OSINT znajšli videa z Pašyłajčaj (rajon pa paŭnočnym zachadzie Vilni, tam bačny i dron, i rajon Pašyłajčaj. Hieałakacyja — adzin z nadziejnych mietadaŭ raźviedki pa adkrytych krynicach, jana dazvalaje paćvierdzić łakacyju, miesca, dzie było zroblena videa», — pišuć analityki OSINT.
Łukas pieradaŭ palicyi videa jašče ŭ paniadziełak zranku. Da hetaha času ź im nichto nie źviazaŭsia.
«Sa mnoj nichto nie źviazvaŭsia. Ale ja dasłaŭ videa palicyi i na fejsbuk LT72. Prasiŭ pieradać adkaznym asobam. Spadziajusia, tak i zrabili», — adznačyŭ jon.
Na Šry-Łancy ŭ 37 hadoŭ pamior biełaruski kinapradziusar Andrej Matałyha4
Kamientary