Danyja pakupnikoŭ upryhožańniaŭ Belaruskicry mahli trapić u ruki siłavikoŭ. HUBAZiK pahražaje kryminałkaj za novyja zakazy
Dniami brend upryhožańniaŭ byŭ pryznany «ekstremisckim farmavańniem».
Siońnia prajekt Belaruskicry napisaŭ u sacsietkach:
«U suviazi z apošnimi navinami ŭ pryznańni Belaruskicry ekstremisckim farmavańniem u Biełarusi, u nas niama ŭpeŭnienaści, što danyja vašych minułych zamoŭ nie trapili ŭ inšyja ruki».
HUBAZiK u svaim nieaficyjnym telehram-kanale pryhraziŭ, što za kožny novy zakaz paśla nadańnia statusu na pakupnika budzie zavodzicca kryminalnaja sprava, pa jakoj praduhledžany termin da 6 hadoŭ pazbaŭleńnia voli.
Brend upryhožańniaŭ stvaryła biełaruskaja dyzajnierka, jakaja paśla pratestaŭ 2020 hoda pierajechała ź Minska ŭ Hruziju.
Samym viadomym z upryhožańniaŭ staŭ kułon «Biełaruś sa ślazoj», jaki nosić šmat ludziej jak u Biełarusi, tak i za miažoj.
Dniami KDB pryznaŭ brend «ekstremisckim farmavańniem». Pavodle viedamstva, dačynieńnie da brendu majuć Alaksandra Kurkova, Maryna Sierhijenia, Jahor Bužyłaŭ i Alena Kulašova.
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary