Biełarus znajšoŭ manietu I stahodździa. Ci možna na joj uzbahacicca?
U redakcyju vydańnia «Anłajnier» dasłali fota staražytnaj maniety, jakaja, pa słovach uładalnika, datujecca I stahodździem našaj ery. Žurnalisty źviarnulisia da ekśpierta, kab vyśvietlić, ci sapraŭdy pierad nami kaštoŭnaja znachodka — i kolki jana moža kaštavać siońnia.
Miarkujučy pa fota, manieta — nie prosta staradaŭni płaciežny srodak, a jašče muziejny ekspanat, jaki adsyłaje da časoŭ Rymskaj impieryi.
Čytač, jaki dasłaŭ zdymki, paviedamiŭ nastupnaje:
«Usio, što pra jaje viedaju, — heta čakanka časoŭ dynastyi Cita, 79-81 hod n. e. Manieta była vypuščanaja ŭ honar jaho dački Julijany».
Kab razabracca ŭ sapraŭdnaści i mahčymym koštu maniety, «Anłajnier» źviarnuŭsia pa kamientar da navukovaha supracoŭnika Akademii navuk Usievałada Jurhiensona.
«Heta sapraŭdy rymski denaryj — srebranaja manieta pieryjadu kiravańnia impieratara Cita (79 hod n. e.). Takija asobniki sustrakajucca niačasta, asabliva kali jany dobra zachavalisia.
U idealnym stanie manieta mahła b kaštavać bolš za 1000 dalaraŭ. Adnak tut my bačym mocny znos, drennuju čytalnaść partreta i nadpisaŭ. Tamu realny rynkavy košt hetaj maniety, chutčej za ŭsio, składaje 200-300 rubloŭ i bližejšy da nižniaha paroha». — adkazaŭ śpiecyjalist.
Ciapier čytajuć
Prapahanda pryčapiłasia da «darahoha» hadzińnika Łatuški. Toj raskazaŭ, što heta za madel nasamreč22
Kamientary