U vydaviectvie «Biełaruskaja navuka» pabačyła śviet čaćviortaja kniha sieryi «Falkłornyja skarby Biełarusi» zbornik biełaruskich narodnych baładaŭ ź pierakazam na rasiejskuju i anhielskuju movy pad nazvaj «Abiarnusia ja šeraj ziaziulaj», piša Bellit.info.
Zhodna z anatacyjaj, heta samy liryčny zbornik sieryi i samy zachaplalny, bo mienavita ŭ baładzie pierakazvajucca niezvyčajnyja, nieardynarnyja padziei, choć časta trahičnyja dy tužlivyja. Kniha maje aŭdyjadadatak dastupny pa QR-kodzie, jaki pasłužyć padarunkam dla amataraŭ narodnych śpievaŭ. A taksama jość pierakaz siužetaŭ na rasiejskuju i anhielskuju movy, što pašyraje koła čytačoŭ.
Teksty prailustravanyja admietnym vidam biełaruskaha narodnaha mastactva — vycinankami, stvoranymi Halinaj Žuraŭlovaj.
Knihu možna kupić u Miensku ŭ kniharni «Akademičnaja kniha», a taksama zamović praz sajt Kniger.by ci prydbać u HC «Kupałaŭski», ralety 41— 42 (st. m. Kastryčnickaja).
Kamientary