Nazvanyja pieramožcy biełaruskaha konkursu kinafiestyvala «Paŭnočnaje źziańnie — 2025»
Dzieviać biełaruskich stužak aceńvała mižnarodnaje žury.
Hałoŭny pryz žury na Biełaruskim konkursie XI kinafiestyvalu «Paŭnočnaje źziańnie» syšoŭ satyryčnamu choraru pra toje, jak ułady Biełarusi pryniali zakon, što dazvalaje sudzić pamierłych biełarusaŭ — «Sud miortvych» režysiora Andreja Kašpierskaha. U hałoŭnaj roli sudździ źniałasia zorka Kupałaŭskaha teatra i narodnaja artystka Biełarusi Zoja Biełachvościk.
Svajo rašeńnie žury patłumačyła nastupnym čynam: «Film-pieramožca pakazaŭ hledačam składanuju i zachaplalnuju historyju, padmacavanuju ŭražlivym majsterstvam, cełasnaju kancepcyjaj i niečakanym spałučeńniem žanraŭ. Hałoŭnaja ŭznaharoda biełaruskaha konkursu «Paŭnočnaha źziańnia — 2025» dastajecca filmu «Sud miortvych» Andreja Kašpierskaha za zdolnaść stvaryć palityčnuju satyru, jakaja niezaŭvažna transfarmujecca ŭ film žachaŭ i viartajecca nazad».
Aŭtary «Suda miortvych» raźličvajuć, što biahučaja karotkamietražnaja viersija stanie tramplinam dla realizacyi poŭnamietražnaha filma na asnovie hetaj historyi. Zaraz jany ŭ aktyŭnych pošukach finansavańnia budučaha kinaprajekta.
Śpiecyjalnuju zhadku žury atrymała karotkamietražnaja animacyjnaja historyja «Pieradačka» režysiorki Viery Šyš, u jakoj pieradačka ažyvaje i sama idzie ŭ turmu da biełaruskaha palitviaźnia.
Žury patłumačyła taki vybar: «Heta maleńki šedeŭr z cełasnym naratyvam, vytančanaju technikaj i ŭražlivym mastackim padychodam. Najbolš važna, što hetaja stužka nahadvaje nam pra realnaść, jakoj nie pavinna być. Realnaść, u jakoj ty izalavany i pazbaŭleny hołasu».
10 jeŭrapiejskich filmaŭ, jakija pakažuć na kinafiestyvali «Paŭnočnaje źziańnie». Niekatoryja buduć iści biaspłatna anłajn
9 biełaruskich filmaŭ, jakija možna budzie pabačyć u listapadzie
Startuje kinafiestyval «Paŭnočnaje źziańnie». U prahramu dadalisia i ŭkrainskija filmy — ich možna pahladzieć anłajn
Kamientary