Dzie ciapier prakurorka Kaśjančyk, jakoj paśla 2020-ha admovilisia zdavać kvateru?
Pryziorka respublikanskaj alimpijady pa biełaruskaj movie i vypusknica liceja BDU stała rabić sabie karjeru na palityčnych spravach, kali joj było 22 hady.
Pa vynikach jaje abvinavačvańniaŭ dva hady kałonii atrymaŭ Maksim Paŭluščyk za nadpis «Nie zabudziem» na Puškinskaj. Jana ž sudziła žurnalistak «Biełsata» Kaciarynu Andrejevu i Darju Čulcovu za vykanańnie imi prafiesijnych abaviazkaŭ — strym, jaki jany viali z razhonu akcyi pamiaci zabitaha Ramana Bandarenki.
«Pierakonvać kahości ŭ svajoj racyi abo zaklikać nie rabić vysnoŭ pra zakonnaść pryniaćcia kožnaha kankretnaha rašeńnia, tolki načytaŭšysia artykułaŭ u miedyja, ja nie budu, jak nie budu pierakonvać vas, što ja zastałasia ŭsio toj ža samaj Alinaj, jakuju vy viedali 6 hadoŭ tamu i pra jakuju skazali, na maju dumku, dastatkova dobrych słoŭ, za što vam ščyra ŭdziačnaja», — pisała Kaśjančyk byłym adnakłaśnikam u adnym z čataŭ.
Asobna varta zhadać historyju 33-hadovaj Volhi Sinialovaj — žančyna zdavała prakurorcy kvateru, ale paśla paprasiła vyzvalić žyłpłošču. Kaśjančyk nie piarečyła, sabrała manatki i źjechała.
A suprać Volhi, maładoj mamy ŭ dekrecie, raspačali kryminalnuju spravu pavodle 190-ha artykuła KK («Parušeńnie raŭnapraŭja hramadzian») — maŭlaŭ, tym, jana dyskryminavała Kaśjančyk, bo nie chacieła, kab u jaje kvatery žyła prakurorka.
Pa rašeńni suda Volzie Sinialovaj prysudzili tady dva hady chatniaj chimii.
Takaja naporystaść pryniesła svaje płady: Kaśjančyk atrymała pavyšeńnie — z rajonnaj prakuratury Frunzienskaha rajona stalicy jaje pieraviali ŭ prakuraturu pa Minsku.
Jaje adznačaŭ i Łukašenka — u 2021-m maładaja prakurorka atrymała padziaku za «šmathadovuju plonnuju pracu, uzornaje vykanańnie słužbovych abaviazkaŭ, vysokija pakazčyki ŭ słužbovaj dziejnaści pa zabieśpiačeńni zakonnaści, umacavańni pravaparadku i baraćbie sa złačynnaściu». U 2022-m Kaśjančyk čakała čarhovaja ŭznaharoda.
Užo pracujučy ŭ haradskoj prakuratury, jana, naprykład, padtrymlivała bok abvinavačvańnia ŭ sudzie nad eks-prakuroram Jaŭhienam Babakom.
Patrabavała termin i byłomu žurnalistu ANT Dźmitryju Siemčanku. Tady, u mai 2023 hoda, Kaśjančyk zhadvałasia ŭ prapahandysckich miedyja apošni raz.
Pa infarmacyi «Kibierpartyzan», pa stanie na 2024 hod Alina Kaśjančyk praciahvała ličycca supracoŭnicaj Minskaj prakuratury.
Pamiatajecie fota z muskulistym biełarusam, jaki ŭ 2020-m išoŭ u sčepcy z amapaŭcam? Ciapier jon zdymajecca ŭ kino ŭ Anhlii
Daviedalisia, jak žyvie Siarhiej «Chłopatnaje dzielca» Mironaŭ
Na ANT zajavili, što Łatuška ŭ kancy lipienia 2020 nibyta chacieŭ spalić štab Cichanoŭskaj. Łatuška adkazaŭ na heta
Kamientary