Milinkievič: Kali ŭ 2020 hodzie ŭ biełarusaŭ jašče byŭ hieapalityčny vybar, to ciapier jaho niama
Daradca Śviatłany Cichanoŭskaj Alaksandr Milinkievič raskazaŭ pra adziny šaniec być, isnavać Biełarusi i narodu, piša «Salidarnaść».
«Nam usim treba pazbaŭlacca stereatypaŭ, tradycyjnaha myśleńnia. 80 hadoŭ paśla vajny my žyli ŭ śviecie, kali demakraty i libierały pieramahali dyktatury, i heta byŭ taki žalezny trend, — nahadaŭ Alaksandr Milinkievič na kanfierencyi «Novaja Biełaruś». — Zaraz dyktatury na čale z Kitajem mohuć pieramahać demakratyi, jość uvohule niebiaśpiečnyja tendencyi.
I my ŭ hetym hłabalnym śviecie musim znajści svajo miesca, svaju niezaležnaść. Tamu treba vučycca być hnutkimi.
Niečakana moža zdarycca tak, što nam treba budzie brać uładu ŭ Biełarusi. I my pavinny być padrychtavanyja da hetaha momantu. Jon supiervažny.
Bo Pucin budzie zmahacca za Biełaruś nie mienš, čym za Ukrainu. Bo kali ŭ jaho ŭ «ruskim miry» nie budzie Biełarusi, heta budzie aznačać kaniec «ruskamu miru».
Milinkievič ličyć, što kali ŭ 2020 hodzie ŭ biełarusaŭ jašče byŭ hieapalityčny vybar, to ciapier jaho niama.
«Čym bližej my da Rasii, tym bližej my da taho, kab kančatkova stać kałonijaj Kramla, a z časam stać i ŭskrainaj kitajskaj impieryi.
Tamu daroha da Jeŭropy — heta adziny šaniec być, isnavać Biełarusi i narodu.
Liču, što nam mnoha treba rabić. Ale my musim hladzieć, jak ukraincy adstajvajuć svaju samastojnaść. Ukraincy abaranili Kijeŭ nie tamu, što ŭ ich było mnoha rakiet i zbroi, a tamu što ŭ ich byŭ ukrainski duch.
Nam treba ŭmacoŭvać samaśviadomaść, viedańnie historyi, umacoŭvać biełaruski duch. I nam treba nie iści ŭ Jeŭropu, nie vybirać Jeŭropu, nam treba viartacca na radzimu, a Jeŭropa i jość naša Radzima».
Błohiera Piatruchina nie puścili na «Novuju Biełaruś» — u vyniku jon vioŭ strym z-pad budynka
Cichanoŭski raskazaŭ, što płanuje rabić padčas vizitu ŭ ZŠA i čym jamu dapamoh Prakopjeŭ
Žyhar — Kraŭcovu: Ja tabie asabista apłaču kvitok da Minska, tam i damaŭlajsia z Łukašenkam!
Łatuška: U demsiłaŭ jość płan pa dniach na vypadak, kali pryjdziecca brać uładu ŭ svaje ruki
Śviatłana Cichanoŭskaja raskazała, čamu nie pravieryła źmiest kanvierta ad Paŭlučenki pa pryjeździe ŭ Litvu
Ekanamist Kruk: Žyć dalej spadziavańniami 2020-ha — infantylna
U Varšavie pačałasia kanfierencyja «Novaj Biełarusi»
Ciapier čytajuć
Čaho čakaje Polšča ad Minska i ci zakryje znoŭ miažu na hetym tydni?24
Kamientary
Tamu što byli hatovyja zabivać voraha i pamirać sami. Byli hatovyja stajać da kanca i pad kulami. A biełarusy vyrašyli bociki zdymać pierad łaŭkami, kvietački daryć akupantam i adpačynki rabić pamiž pratestami. Nu i atrymali biaskoncy kanclahier i etnacyd u vyniku. Prasraŭšy čarhovy šaniec atrymać volu i niezaležnuju dziaržavu. Znovu.