Na elektronnych tarhach kamiteta «Viciebskabłmajomaść» pradali niedabudavany abjekt u vioscy Leskavičy Šumilinskaha rajona za 5 355 rubloŭ — krychu bolš, čym była startavaja cana. Kupiec byŭ adzinym udzielnikam tarhoŭ, piša «Vitiebskij kuŕjer».
Hetaja pabudova viadomaja jak siadziba Chludzinskich. Jaje pačali ŭzvodzić na pačatku XX stahodździa pavodle prajekta brytanskaha architektara Makieja Chju Bejli Skota, adnaho ź viadučych pradstaŭnikoŭ ruchu «Mastactva i ramiostvy». Siamja Chludzinskich zakazała prajekt asabista ŭ jaho — redkaja źjava dla taho času, što padkreślivaje vysoki status rodu i cikavaść jaho pradstaŭnikoŭ da jeŭrapiejskaj kultury.
Dom u styli, blizkim da zamka, pačali budavać na ŭzvyššy z vyhladam na voziera Leskavičy, ale Pieršaja suśvietnaja vajna i nastupnyja padziei spynili raboty. Siońnia ad jaho zastalisia tolki padmurak i častka muroŭ z cehły i pryrodnaha kamieniu.
Abjekt znachodzicca ŭ vodaachoŭnaj zonie, tamu jaho dalejšaje vykarystańnie abmiežavanaje. Novy ŭładalnik atrymaje ziamielny ŭčastak płoščaj 0,169 hiektara ŭ arendu na 99 hadoŭ i zmoža vykarystoŭvać jaho tolki dla stvareńnia turystyčnaha abjekta.
Siadziba źviazanaja ź imieniem Uładzisłava Chludzinskaha — značnaj postaci ŭ historyi Leskavičaŭ. Da prodažu jana była na bałansie Śvietłasielskaha sielsavieta, a atrymanyja hrošy pastupiać u biudžet rajona.
Što budzie z hetymi «ramantyčnymi ruinami» dalej, zaležyć ad płanaŭ novaha ŭładalnika.
Na Viciebščynie pradajuć unikalnuju siadzibu, pa prajekt jakoj haspadary jeździli ŭ dalokuju Brytaniju
«Bajsoł» vystavić na aŭkcyjon limitavanuju sieryju hadzińnikaŭ
Alaksandra Hierasimienia pra prodaž kvatery z aŭkcyjonu: Patelefanavali ŭłaśniku i skazali, što buduć adbirać
Na aŭkcyjonie ŭ Francyi pradali nošanuju škarpetku Majkła Džeksana
Ciapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni26
Kamientary