Žychary Varšavy aburanyja pavodzinami fanataŭ Maksa Karža napiaredadni kancerta
Uviečary 8 žniŭnia 2025 hoda na byłych čyhunačnych terytoryjach u varšaŭskim rajonie Vola adbyŭsia spantanny, niesankcyjanavany schod prychilnikaŭ biełaruskaha repiera Maksa Karža. Pavodle śviedkaŭ, sabrałasia niekalki tysiač čałaviek. Miascovyja vyklikali palicyju.
Miascovyja žychary paviedamlali ŭ palicyju pra mocny šum, masavaje parušeńnie praviłaŭ parkoŭki, zapusk fiejervierkaŭ i piratechniki, adsutnaść miescaŭ dla aŭto, śmiećcie i nieprystojnyja pavodziny ŭdzielnikaŭ u publičnaj prastory, paviedamlaje Miejski Reporter.
Palicejskija Varšavy prybyli na miesca paśla paviedamleńnia pra parušeńnie hramadskaha paradku. U pikavym momancie na miescy pracavali niekalki socień palicejskich ź dziasiatkaŭ ekipažaŭ.
Było vypisana 25 štrafaŭ i zatrymana 6 čałaviek za zachoŭvańnie narkotykaŭ. U dačynieńni da arhanizatara rychtujecca zvarot u sud za parušeńnie paradku.
Pavodle miascovych uładaŭ, takoje masavaje mierapryjemstva nie mieła ŭzhadnieńnia na praviadzieńnie, palicyja zahadzia nie viedała pra taki vialiki schod, a ŭ pikavym momancie na miescy pracavali niekalki sotniaŭ pravaachoŭnikaŭ.
Paśla zakančeńnia schodu ŭdzielniki vychodzili na vulicy, miescami błakirujučy ruch transpartu. Pa słovach vidavočcaŭ, adbyłosia niekalki drobnych incydentaŭ.
Rajon paśla mierapryjemstva zastaŭsia mocna zaśmiečany butelkami i blašankami z-pad ałkaholu.
Kamientary
A voś "piratechničyć" było nie abaviazkova.