U Minsku źjavicca spartkompleks z vychadam da nabiarežnaj. Budaŭniki pakazali, što tam ciapier
Spartkompleks dla studentaŭ BDTU ŭzvodziać na vulicy Biełaruskaj kala Śvisłačy. Jakim jon budzie i što tam ciapier, raskazali ŭ «Minskbudzie», piša Realt.by.
Ahulnaja płošča fasada spartkompleksu — bolš za 3 tysiačy kvadrataŭ. Amal pałova hatovaja.
«Fasad składany: nižni jarus — kieramahranit, dalej vialikafarmatny alumakampazit, vitražnyja sistemy, mietałaprofil, — kažuć u «Minskbudzie». — Vielmi efiektnaj budzie ŭvachodnaja hrupa, jana ciapier mantujecca. Laviej jaje na fasadzie z dapamohaj mastackaj pierfaracyi stvorać vyjavy dvuch płyŭcoŭ».
Zaraz paradkujuć prylehłuju terytoryju.
«Praduhledžany spusk da nabiarežnaj: leśvičku budaŭniki ładziać z drobnaštučnaj plitki», — udakładniajuć u arhanizacyi.
Usiaredzinie budynka zaviaršajecca čarnavoje i pačynajecca čystavoje azdableńnie. Ale jość pamiaškańni, jakija ŭžo hatovyja — zastałosia tolki rasstavić meblu.
U spartkompleksie budzie basiejn z šaściu darožkami pa 25 mietraŭ, hulniavaja zała 42×24 mietry, trenažornaja zała i zała boksa, saŭny, harderobnyja, bufiet.
Zakazčykam vystupaje BDTU, a hienpadradčykam — BU-210 trest № 35.
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»7
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary