11 žniŭnia palicyja horada Sakołaŭ-Padlaski Mazavieckaha vajavodstva paviedamiła, što miascovyja palicyjanty spynili dla pravierki lehkavy Opel. Za rulom byŭ 32-hadovy hramadzianin Biełarusi, jaki nie pavinien byŭ siadać za rul — u jaho ŭ kryvi było bolš za dva pramile śpirtnoha.
Incydent adbyŭsia 10 žniŭnia kala 4:20 ranicy na vulicy Svabody. Palicyjanty zaŭvažyli, što aŭtamabil ruchaŭsia niaroŭna, a ruchavik niekalki razoŭ hłuchnuŭ adrazu paśla zapusku. Jany padjechali, kab pravieryć situacyju i pry nieabchodnaści, dapamahčy. Pry razmovie vyśvietliłasia, što kiroŭca maje prykmiety mocnaha ałkaholnaha apjanieńnia.
Pravierka ałkatestaram paćvierdziła: utrymańnie ałkaholu bolš za dva pramile. Mužčynu zatrymali i źmiaścili ŭ izalatar časovaha ŭtrymańnia. Jamu pahražaje da troch hadoŭ pazbaŭleńnia voli za kiravańnie transpartam u stanie apjanieńnia.
Kamientary
Usich, chto maciukajecca, pje, debašaryć/bujanić, zajmajecca procipraŭstaam, kampoamietuje šlachietnyja pavodziny, usich ich vysłać da baćkaŭščyny, i 24 hadziny na zbory... Kałhasy čakajuć na ich, na paletkach usim sprava znojdziecca ...