Niekatoryja imiony byli ŭžo viadomyja.
U Abjadnany pierachodny kabiniet pry Cichanoŭskaj pryznačyli novych ludziej.
Pavieł Barkoŭski staŭ pradstaŭnikom pa nacyjanalnym adradžeńni (jon vykonvaŭ hetyja abaviazki paśla sychodu Aliny Koŭšyk). Jon kandydat fiłasofskich navuk, haściavy prafiesar Instytuta fiłasofii i sacyjałohii Polskaj akademii navuk.
Jaho namieśnikami buduć Irena Kaciałovič (namieśnica ŭ pytańniach kultury) i Andrej Łaŭruchin (u pytańniach adukacyi i navuki). Kaciałovič žurnalistka i kinakrytyk, suzasnavalnica Premii biełaruskich kinakrytykaŭ Red Heather i Biełaruskaj niezaležnaj kinaakademii, siabra Mižnarodnaj fiederacyi kinapressy (FIPRESCI) i žury mižnarodnych fiestyvalaŭ. Łaŭruchin — daśledčyk i ekśpiert u śfiery adukacyjnaj palityki, sacyjałohii i fiłasofii, dyrektar daśledavańniaŭ Instytuta raźvićcia i sacyjalnaha rynku ŭ Biełarusi i Uschodniaj Jeŭropie.
Alisa Ryžyčenka stała pradstaŭnicaj pa ekanomicy i finansach.
Jana mahistr ekanomiki (BDEU) i mahistr palityčnych navuk (Vienski ŭniviersitet), śpiecyjalizavałasia na pytańniach Jeŭraajuza, jeŭrapieizacyi, mižnarodnaj palityki i raźvićcia. Pracavała ŭ šerahu fondaŭ.
Niekalki pryznačeńniaŭ byli i ŭ zamiežnyja pradstaŭnictvy demsiłaŭ.
Kiraŭnicaj Misii demakratyčnych sił Biełarusi ŭ Kijevie zamiest Hienadzia Mańko pryznačyli Śviatłanu Šacilinu.
Jana maje dośvied supracoŭnictva ź dziaržaŭnymi strukturami i deputatami Viarchoŭnaj Rady, udzielničała ŭ akcyjach i humanitarnych prajektach, kaardynavała miedycynskija misii ŭ deakupavanyja rehijony, a apošnija hady dapamahała ŭ pracy Misii ŭ pytańniach padtrymki biełarusaŭ.
U Ispanii kiraŭnicaj novaadkrytaj Misii budzie Taćciana Marynič, stvaralnica startap-chaba Imaguru.
Kamientary