«Cimbierłejk, schadzi pakury!» Chto ź viadomych biełarusaŭ pryjšoŭ na kancert Karža
Kancert Maksa Karža ŭ Varšavie sabraŭ dziasiatki tysiač słuchačoŭ. Pahladzieli, chto ź viadomych biełarusaŭ pravioŭ viečar 9 žniŭnia pad pieśni śpievaka z Łuninca.
Ivan Kraŭcoŭ
Sakratar Kaardynacyjnaj rady i člen kamandy Babaryki paśla kanfierencyi «Novaja Biełaruś» i debataŭ z Uładzimira Žyharam z «Biełpoła» pajechaŭ na stadyjon u Varšavie.
KANAPLEV+LEIDIK
Fatohrafy Jaŭhien Kanaploŭ i Julija Lejdzik taksama nie prajšli mima vialikaj muzyčnaj padziei. Na varšaŭskim stadyjonie jany zapisali niekalki atmaśfiernych storys — padobna, što jašče da pačatku kancerta na stadyjonie było na što pahladzieć.
Meryjem Hierasimienka
Śpiavačka Meryjem Hierasimienka apisała ŭ svaich storys kancert Karža jak «nievierahodny hłytok pavietra». Emocyj u dziaŭčyny było tak šmat, što jana nie strymlivała siabie ni na stadyjonie, ni ŭ sacsietkach.
A pad kaniec raskazu pra viečar adznačyła, što suśvietnaj zorcy Džaścinu Cimbierłejku treba pavučycca ŭ Maksa Karža tamu, jak ładzić kancerty.
Illa Salej
Juryst i suŭłaśnik bara ŭ Varšavie Illa Salej taksama padzialiŭsia niekalkimi kadrami z kancerta. Siarod ich — videa, jak Maks Korž zaklikaje spynić vajnu: Salej pryśviaciŭ jaho ŭsim, chto na kancercie «pa-za palitykaj».
Asia Bułybienka
Byłaja palitźniavolenaja Asia Bułybienka raskazała ŭ repartažy Sašy Ivulina, što ŭ jaje jość turemny ŭspamin, źviazany z Karžom: maŭlaŭ, adnojčy jana tancavała pad jaho ŭ turemnaj spartzale. Što da samoha kancerta, Asia vybrała naviedać jaho zamiest kanfierencyi «Novaja Biełaruś» i marša z nahody 9 žniŭnia, bo nie chacieła «padkormlivać svoj PTSR».
Mikita Najdzionaŭ
Paet i muzyka Mikita Najdzionaŭ dałučyŭsia da dziasiatkaŭ tysiač biełarusaŭ na kancercie Karža. U kadr jaho storys trapiŭ i BČB-ściah — adzin ź niešmatlikich, jakija atrymałasia pranieści na kancert (achova adbirała ściahi na ŭvachodzie, kali zaŭvažała).
Ivan Šyła
Adzin z zasnavalnikaŭ klininha «Čysty kit» Ivan Šyła zapisaŭ storys z-pad samaho kupała stadyjona, dzie vystupaŭ Maks Korž. Na jaho kadrach dobra bačnyja maštaby kancerta — atmaśfiera niepieradavalnaja.
«Naša Niva» — bastyjon biełaruščyny
PADTRYMAĆ
Pamiłavanyja 15 čałaviek, siarod jakich 13 palitviaźniaŭ15
Pamiłavanyja 15 čałaviek, siarod jakich 13 palitviaźniaŭ
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary
Dziakuj bohu što ludziej jakich ja pavažaju na hetym cyrku nie było.