Vice-śpikierka KR Lizavieta Prakopčyk pryznałasia, što joj trojčy nie chapiła miesca na kanfierencyi «Novaja Biełaruś»
Prakopčyk kaža, što na jaje siabroŭku sieła źvierchu hiendarnaja daśledčyca Iryna Sidorskaja.
Vice-śpikierka Kaardynacyjnaj rady Lizavieta Prakopčyk dramatyčna apisała try historyi z kanfierencyi «Novaja Biełaruś». Maładomu palityku nie chapiła miesca ŭ zale, tamu ŭrešcie joj daviałosia siadzieć u prachodzie na prystupkach.
***
«Kali pryjšła na vitalnyja słovy, to akazałasia, što dla vice-śpikierki KR nie było zabraniravanaje miesca, tamu ja sieła na prystupkach. Na što pačuła nad vucham vielmi niezadavoleny «kch-kch»:
Ksienija Łuckina: Ja, viadoma, vielmi vybačajusia, ale jak my budziem vychodzić na svaju panel, vy padumali?
Ja: Ja padymusia i vypušču vas?
Ksienija Łuckina: [zakaciła vočy]»
***
«Paviarnuŭšysia pierad svajoj panellu ŭ zału, my ź siabrami sieli na volnyja miescy niedzie naprykancy. Kaniečnie ž, šmat ludziej spaźniałasia. Siarod ich była i Lena Žyvahłod, jakaja zapatrabavała, kab ja i siabry pierasieli na inšyja miescy, bo heta JAJE MIESCA. Ščyra skažu, ja razhubiłasia. Ja navat pierapytała typu, što? Mnie było paŭtorna skazana toje samaje. Adrazu paśla Lenu akliknuła jaje kalažanka/siabroŭka i jana pajšła da jaje».
***
«Potym da našaha radu padychodzić hiendarnaja daśledčyca Sidorskaja, prasoŭvacca ŭhłyb radu i… sadzicca na maju siabroŭku. Sa słovami «heta majo miesca, ja nie viedaju, što rabić u takoj situacyi». Ja pahladzieła na razhubleny tvar majoj siabroŭki i vyrašyła sastupić miesca, a sama znoŭku sieła na prystupki».
Biełaruskija repietytary ŭ panicy: praz prablemy «Jandeksa» jany mohuć stracić materyjały, jakija napracoŭvali hadami27
Kamientary
A kali pahladzieć, što pa sutnaści kanfierencyi:
"Ja dumała my zajmajemsia asvabadžeńniem Biełarusi, a nie prosta ciskam na režym"
"Adzin student pieršakurśnik BDU maje bolš upłyvu na situacyju ŭ Biełarusi za Śviatłanu Cichanoŭskuju, Paŭła Łatušku i Taćcianu Martynavu."
I? Cisk u vyhladzie dapamohi sankcyjami na biełaruski VPK taksama sprava i ŭpłyŭ, a alternatyva ad KR jakaja?
Prakopčyk vyhladaje jak čarhovy Piatruchin - Paźniak - Kraŭcoŭ - Kavaleŭski - Knyrovič (PPPKKK:) "Viedajem, jak zrabić horš, nie viedajem, što rabić samim".
I niezaležnyja ŚMI tak i nie aśviatlili kanfierencyju i jaje vyniki.