Tramp: Kali b ja atrymaŭ Maskvu i Leninhrad u vyniku ŭhody z Rasijaj, ŚMI napisali b, što heta drennaja ździełka
Prezident ZŠA abrynuŭsia z krytykaj na ŚMI, jakija pišuć pra jaho sustreču z Uładzimiram Pucinym.
Tramp nazvaŭ niesumlennymi ŚMI, jakija nazyvajuć jaho sustreču z Pucinym parazaj.
Pavodle słoŭ prezidenta ZŠA, žurnalisty cytujuć roznych zvolnienych niaŭdačnikaŭ.
«Niesumlennyja ŚMI adrablajuć temu majoj sustrečy z Pucinym. Jany pastajanna cytujuć zvolnienych niaŭdačnikaŭ i pa-sapraŭdnamu durnych ludziej, nakštałt Džona Bołtana, jaki tolki što zajaviŭ, što, navat niahledziačy na toje, što sustreča prachodzić na amierykanskaj ziamli, «Pucin užo pieramoh». Što heta naohuł značyć? My pieramahajem va ŭsim.
Fejkavyja naviny pracujuć zvyšuročna (biez padatku na zvyšuročnyja!). Kali b ja atrymaŭ Maskvu i Leninhrad u jakaści častki ździełki z Rasijaj, fejkavyja naviny skazali b, što ja zaklučyŭ drennuju ŭhodu!» — napisaŭ Tramp u svajoj sacsietcy.
Amierykanski prezident zaklikaŭ źviarnuć uvahu na realnyja naviny pra karupcyju ŭ jaho apanientaŭ.
«Heta chvoryja i niesumlennyja ludzi, jakija, vierahodna, nienavidziać našu krainu. Ale heta nie maje značeńnia, tamu što my pieramahajem va ŭsim!» — padsumavaŭ Tramp.
Sustreča amierykanskaha i rasijskaha lidaraŭ pavinna prajści na vajennaj bazie ŭ Alascy 15 žniŭnia.
Ciapier čytajuć
U zahinułaj u Ślapiancy dziaŭčynie apaznali Janu Kastrankovu2
Kamientary