Prezident Naŭrocki zaklikaŭ Siejm zabaranić «banderaŭskuju» simvoliku ŭ Polščy
Karal Naŭrocki adreahavaŭ na incydent na Nacyjanalnym stadyjonie ŭ Varšavie, dzie ŭ subotu 9 žniŭnia padčas kancertu Maksa Karža razharnuli ściah Ukrainskaj paŭstanckaj armii časoŭ Druhoj suśvietnaj.
U efiry Polsat News jon zaklikaŭ Siejm pryniać papraŭku da zakona, jakaja zabaronić vykarystańnie padobnaj simvoliki ŭ Polščy, piša «Ukrainskaja praŭda».
«Nieabchodna razabracca z zakonam, kab takija situacyi bolš nie paŭtaralisia», — skazaŭ Naŭrocki.
Prezident Polščy nazvaŭ takuju simvoliku «banderaŭskaj». Pavodle jaho słoŭ, jaje vykarystańnie va ŭkrainskaj i polskaj publičnaj prastory źjaŭlajecca aburalnym. «My ŭśviedamlajem, što i va Ukrainie banderaŭskaja simvolika ŭ narodnaj adukacyi nie apisvajecca tak, jak heta adpaviadaje histaryčnym daśledavańniam», — padkreśliŭ jon.
Naŭrocki taksama padtrymaŭ rašeńnie premjer-ministra Donalda Tuska ab vydvareńni z Polščy niekalkich dziasiatkaŭ naviedvalnikaŭ kancertu, dzie byŭ razhornuty ściah UPA. Jon nie vyklučaje, što heta mahła być rasijskaja pravakacyja.
«My pavinny reahavać vielmi rašuča, prosta vysyłajučy takich ludziej z Polščy», — zajaviŭ prezident Polščy.
Zaznačym, što ŭkrainiec Dźmitryj, jaki pryjšoŭ sa ściaham UPA na kancert, potym zapisaŭ videa z vybačeńniami.
Ciapier čytajuć
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju77
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju7
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary