Sud u Litvie de-fakta i de-jure lehalizavaŭ adnapołyja partniorstvy
Vilenski haradski rajonny sud upieršyniu ŭ historyi Litvy pryznaŭ adnosiny dźviuch dziaŭčat siamjoj i abaviazaŭ dziaržavu zarehistravać ich partniorstva.
Pra heta ŭ piatnicu paviedamiła Asacyjacyja talerantnaj moładzi (TJA), piša vydańnie LRT.
Advakat Ajvaras Žyłvinskas, jaki pradstaŭlaŭ intaresy pary, zajaviŭ, što rašeńnie histaryčnaje i stvaraje precedent: ciapier inšyja adnapołyja pary zmohuć praściej damahacca rehistracyi praz sud.
«Pa sutnaści heta aznačaje, što baraćba, raspačataja jašče ŭ 2023 hodzie ź pieršymi zajaŭnikami, urešcie paśla doŭhich kołaŭ dała vynik», — skazaŭ Žyłvinskas u efiry LRT.
Pavodle jaho słoŭ, sam fakt pryznańnia, što «adnapoły pary mohuć ličycca siamjoj i rehistravacca jak siamja», adkryvaje šlach da napaŭnieńnia instytuta partniorstva realnym źmiestam: pravami i abaviazkami.
Jurydyčnaja baza dla takoha kroku ŭźnikła hetaj viasnoj, kali Kanstytucyjny sud ukazaŭ: norma Hramadzianskaha kodeksa, jakaja dapuskaje partniorstva tolki pamiž mužčynam i žančynaj, supiarečyć Kanstytucyi. Pakul śpiecyjalny zakon nie pryniaty, pary mohuć źviartacca ŭ sud, a Siejmu naležyć urehulavać praceduru i źmiest partniorstva.
Žyłvinskas padkreśliŭ: pastanova suda de-fakta i de-jure pryraŭniała adnapołuju paru da siamji. «Heta nie niejkaje abjadnańnie i nie novaja forma ZAT, a mienavita siamja», — skazaŭ jon.
U toj ža čas paradak zastajecca nieŭrehulavanym: siońnia adnapołyja pary vymušanyja damahacca rehistracyi praz sud, u toj čas jak raznapołyja robiać heta niepasredna ŭ mietrykacyi. Dla likvidacyi dyskryminacyi spatrebiacca źmieny ŭ Hramadzianski kodeks i zakon ab rehistracyi aktaŭ hramadzianskaha stanu.
Rašeńnie možna abskardzić, sami zajaŭnicy hetaha rabić, naturalna, nie majuć namieru, ale patencyjnymi apielantami nazvanyja Ministerstva justycyi i adździeł hramadzianskaj mietrykacyi.
Paralelna, jak paviedamiŭ advakat, jašče dźvie jaho spravy čakajuć rašeńnia ŭ Jeŭrapiejskim sudzie pa pravach čałavieka adnosna mahčymych parušeńniaŭ prava na siamiejnaje žyćcio.
-
Na stvareńnie rasijskaj alternatyvy Vikipiedyi patracili $25 miljonaŭ, a na likvidacyju patraciać jašče amal $4 miljony
-
Ukraina pačnie atrymlivać kryłatyja rakiety ERAM užo ŭ kastryčniku. Ale radavacca jašče rana
-
Tramp paabiacaŭ nie pakinuć biez adkazu rašeńnie ES aštrafavać Google na 3,5 miljarda dalaraŭ
Tramp zajaviŭ, što viadzie z Łukašenkam pieramovy pra vyzvaleńnie častki z 1400 palitviaźniaŭ9
Kamientary