Zialenski paśla samitu ŭ Biełym domie: «Heta najlepšaja naša sustreča»
Paśla skančeńnia pieramovaŭ Donalda Trampa, Uładzimira Zialenskaha i jeŭrapiejskich lidaraŭ u Vašyntonie prezident Ukrainy pravioŭ karotki bryfinh dla žurnalistaŭ.
Voś niekatoryja cytaty z zajavaŭ Zialenskaha.
✹ «Heta najlepšaja naša sustreča. My šmat što abmierkavali ŭ detalach».
✹ «ZŠA padajuć vyrazny sihnał, što buduć udzielnikam harantyj biaśpieki dla Ukrainy».
✹ «Rasija prapanavała spačatku dvuchbakovuju sustreču, potym trochbakovuju. My nie viedajem detalaŭ dvuchbakovaj sustrečy».
✹ «Liču, my pavinny sustrecca z Pucinym bieź jakich-niebudź umovaŭ. Kali my pačniom patrabavać papiaredniaha spynieńnia ahniu, Rasija pačnie vyłučać sotniu inšych umovaŭ».
✹ «Pytańnie terytoryj my pakiniem pamiž mnoj i Pucinym».
✹ «Tam sapraŭdy jość pakiet na 90 miljardaŭ dołaraŭ jak častka harantyj biaśpieki». Detali harantyj biaśpieki dla Ukrainy buduć prapracavanyja na praciahu 10 dzion.
Zajavy ab telefonnaj razmovie Uładzimira Pucina i Donalda Trampa, jakaja stała častkaj siońniašnich intensiŭnych pieramovaŭ, praktyčna adnačasova apublikavali prezident ZŠA i pamočnik rasijskaha prezidenta Juryj Ušakoŭ. I ŭ ich jość prykmietnaja roźnica.
✹ Tramp u łob zajaviŭ, što lidary damovilisia pačać padrychtoŭku da sustrečy Uładzimira Zialenskaha i Uładzimira Pucina, a zatym i da trochbakovaha samitu z udziełam ZŠA. Takaja sustreča nibyta maje prajści da kanca žniŭnia.
✹ Ušakoŭ vykazaŭsia dvuchsensoŭna — jon zajaviŭ tolki pra «ideju vyvučyć mahčymaść pavyšeńnia ŭzroŭniu pradstaŭnikoŭ Maskvy i Kijeva na pieramovach».
✹ Ciapier rasijskuju delehacyju na pieramovach z Ukrainaj uznačalvaje Uładzimir Miadzinski. Kali na nastupnuju sustreču adpravicca asabista prezident Rasii, biezumoŭna, heta možna budzie ličyć «pavyšeńniem uzroŭniu pradstaŭnikoŭ». Ale takim ža «pavyšeńniem» stała b i fihura ministra zamiežnych spraŭ Siarhieja Łaŭrova.
Sustreča ŭ Vašynhtonie stała demanstracyjaj adzinstva sajuźnikaŭ u NATA. Pa słovach Uładzimira Zialenskaha, abmiarkoŭvajecca pastaŭka Ukrainie amierykanskaj zbroi na sumu 90 miljardaŭ dalaraŭ ZŠA.
Kamientary
Dziejničaje i na Trampa
Nahadaju ..zusim ińšaje nažal Zialenski asobnyja dypłamaty demanstravali tym jakija vielmi šmat dapamahli u vielmi ciažki čas Bajden i jaho žonka ( ihnaravańnie zaprašeńnia Bajdana jaho žonki) Šolc Štajmajer ( abrazy ...)
Žyćcie prymusiła ci navučyła...
List Mełani heta ..pa ludzki
Sumna što Trampa nie byŭ prezidentam u 22m ci ŭ 23m hodzie.