Dajkon, sielderej i ryjet z marskoj kapusty: što novaha źjavicca ŭ školnym mieniu ŭ Minsku
Upieršyniu ŭ vosieńskaje mieniu staličnych školnikaŭ uklučyli sałaty z dajkonu i sieldereju. Pra heta žurnalistam 26 žniŭnia raspaviała dyrektarka Kambinata školnaha charčavańnia (KŠCH) Minska Ludmiła Krupskaja, pišuć Minsk-naviny.
— Dla arhanizacyi charčavańnia školnikaŭ u novym navučalnym hodzie technałahičnaj słužbaj KŠCH raspracavany prykładnyja dvuchtydniovyja racyjony na vosieński pieryjad, jakija atrymali hihijeničnuju acenku na adpaviednaść sanitarna-epidemijałahičnym normam.
U racyjony ŭklučany 137 straŭ, ź ich dzieviać — firmiennyja stravy KŠCH. Heta čatyry sałaty, sup, try haračyja stravy i napoj, — adznačyła Krupskaja.
U mieniu vosieńskaha pieryjadu ŭvajšli try sałaty z praduktaŭ, jakija raniej nie vykarystoŭvalisia ŭ školnym charčavańni. Idzie havorka pra dajkon, sielderej.
— My na pastajannaj asnovie pravodzim mierapryjemstvy pa papularyzacyi zdarovaha charčavańnia z arhanizacyjaj dehustacyi pradukcyi dla školnaha charčavańnia. Pasprabavaŭšy stravu, dzieci mohuć vykazać svajo mierkavańnie pra smakavyja jakaści vyrabu praz zapaŭnieńnie ankiety ci hałasavańnie. Tak, paśla praviadzieńnia dehustacyi, u vosieńskaje mieniu byŭ uklučany absalutna novy pradukt — ryjet z marskoj kapusty z harodninaj ad biełaruskaha vytvorcy, — raskazała Ludmiła Krupskaja.
Pavodle infarmacyi KŠCH, technołahi pradpryjemstva za leta raspracavali 13 novych straŭ i vyrabaŭ. Ich technałahičnyja karty atrymali stanoŭčuju acenku na adpaviednaść pryncypam dziciačaj dyjetetyki.
Ciapier čytajuć
Źnikły Kotaŭ vyjechaŭ z Turcyi moram — mahčyma, u bok Rasii17
Kamientary