Pad Minskam pačali budavać dom z 18‑mietrovymi studyjami. Ceny startujuć ad 35 tysiač dalaraŭ
U Fanipali ŭ apošnija hady aktyŭna budujecca žyllo dla minčukoŭ. Adzin z takich kompleksaŭ — ŽK «Sučasny», jaki składajecca z panelnych dziesiacipaviarchovych damoŭ. Siońnia zabudoŭščyk vypuściŭ prajektnuju dekłaracyju i prapanavaŭ usim achvotnym kala 80 kvater, piša Realt.by.
Žyły kompleks «Sučasny» raźmieščany na vulicy Bresckaj u Fanipali, pobač z trasaj R1, u 15 chvilinach jazdy ad Minska na aŭtamabili. Zabudoŭščykam ŽK vystupaje kampanija «DH-Centr».
Kompleks składajecca ź dziesiacipaviarchovych panelnych damoŭ z trochkutnymi erkierami i panaramnym škleńniem łodžyj. ŽK pačali budavać u 2022 hodzie. U ciapierašni momant tut zdadzieny try damy, čaćviorty jašče budujecca.
Apošni (piaty) dom kompleksu pačali ŭzvodzić zusim niadaŭna — u čaćviortym kvartale hetaha hoda. Uvieści šmatpaviarchoŭku ŭ ekspłuatacyju płanujuć u pieršym kvartale 2027 hoda.
U hetaj novabudoŭli budzie 1 padjezd, 10 pavierchaŭ i 100 kvater. Na pieršym paviersie raźmieściacca «kalasačnaja» i «kamorka prybiralnaha invientara». Uładkavańnie praduhledžvaje azielanieńnie terytoryi, pryładu tratuaraŭ i piešachodnych darožak, ustanoŭku dziciačaj hulniavoj placoŭki, arhanizacyju aŭtamabilnaj stajanki na 61 mašyna-miesca i budaŭnictva viełaharaža.
Zaraz usim žadajučym prapanujucca:
— 20 studyj płoščaj 18 kvadrataŭ pa košcie 5750 rubloŭ za mietr (1936 dalaraŭ);
— 40 adnapakajovych kvater płoščaj ad 33 da 41 kvadrata pa košcie 4150—4700 rubloŭ (1400—1580 dalaraŭ) za mietr;
— 19 dvuchpakajovych kvater płoščaj 63 kvadrata pa košcie 3700—3800 rubloŭ (1246—1280 dalaraŭ) za mietr.
Atrymlivajecca, što košt studyi składzie kala 35 tysiač dołaraŭ, adnuški — kala 52 tysiač dołaraŭ, dvuchpakajoŭki — kala 79 tysiač dalaraŭ. Adznačajecca, što na pradpryjemstvie dziejničaje sistema rehulavańnia koštu kvater u zaležnaści ad płoščy, paviercha i paradku apłaty.
Kvatery ŭ ŽK «Sučasny» zdajucca z čarnavoj adździełkaj, ściažkaj, uvachodnymi mietaličnymi dźviaryma, škłopakietami, unitazami, ličylnikami na vadu, razvodkaj elektryki.
Prymać zajavy pačnuć praz tydzień (z 25 listapada) u ofisie prodažaŭ zabudoŭščyka pa adrasie: Minsk, vuł. Ja. Kołasa, 73/3.
Ciapier čytajuć
Što viadoma pra zatrymanych radyjoamataraŭ, jakim pahražaje až da rasstrełu11
Kamientary