U bresckaj milicyi śćviardžajuć, što čytać «Našu Nivu» — nijakaje nie parušeńnie
Na sajcie Upraŭleńnia ŭnutranych spraŭ Bresckaha abłvykankama 25 žniŭnia źjaviŭsia artykuł pad nazvaj «Jak nie stać ekstremistam». U im siłaviki adkrytym tekstam i adnaznačna paćviardžajuć, što prosta za čytańnie infarmacyjnych resursaŭ, pryznanych u Biełarusi «ekstremisckimi», dziejnymi zakonami nijakaj adkaznaści nie praduhledžana.
«Tamu kali vy vyrašyli z-za pustoj cikavaści i dapytlivaści prosta pačytać zabaronienyja kanały, pryznanyja ekstremisckimi materyjałami, kryminalnaja albo administracyjnaja adkaznaść za heta vam nie pahražaje.
A voś za roznuju prapahandu — źliŭ danych, repost, kamientary, akazańnie padtrymki ŭ papularyzacyi kanała, finansavańnie — praduhledžanaja adkaznaść zhodna ź dziejnym zakanadaŭstvam», — śćviardžajuć siłaviki.
Na žal, realnaja praktyka łukašenkaŭskich siłavikoŭ i sudździaŭ na praciahu apošnich piaci hadoŭ hetaha kateharyčnaha śćviardžeńnia zusim nie paćviardžaje.
U realnym žyćci ŭ čałavieka časta źjaŭlajucca prablemy navat tady, kali jahonaja suviaź ź niezaležnymi ad dziaržavy krynicami infarmacyi abmiažoŭvałasia prosta ich čytańniem.
P. S. Zrešty, i tut nieŭzabavie paśla taho, jak na hety abzac źviarnuli ŭvahu niezaležnyja ŚMI, ź milicejskaha sajta jon byŭ vydaleny.
«Ja pieršamajskaje bydła i limita, bazaru nul. Ale blizki da centra pryniaćcia rašeńniaŭ». Što Tur piša pad psieŭdanimam u «ekstremisckim» čacie
Pryznali «ekstremisckimi» sajt i sacsietki Jeŭrapiejskaha humanitarnaha ŭniviersiteta
Pryznali ekstremisckaj staronki Taćciany Sidarovič, ale nie prarasijskaj błohierki, a jaje poŭnaj ciozki
Ciapier čytajuć
Chto pradaŭ kvateru ŭ «Majaku Minska» źnikłaj Mielnikavaj? Takoha čałavieka nie isnuje28
Kamientary