U vieraśni ŭ Polščy projdzie Kanhres pa palitźniavolenych u Biełarusi
26—28 vieraśnia 2025 hoda projdzie II Kanhres pa palitźniavolenych u Biełarusi. Jaho meta kaardynacyi namahańniaŭ pa padtrymcy palitźniavolenych i ich siemjaŭ, paviedamlaje Ofis Śviatłany Cichanoŭskaj.
Hety Kanhres — dvuchdzionnaja sustreča arhanizacyj, inicyjatyŭ, pravaabaroncaŭ, aktyvistaŭ i siemjaŭ palitźniavolenych.
Pieršy dzień, 26 vieraśnia ŭ Varšavie, budzie pryśviečany ahulnaj situacyi z pravami čałavieka ŭ Biełarusi, novym tendencyjam palityčnych represij i pracy pa vyzvaleńni i padtrymcy palitźniavolenych.
Druhi dzień, 28 vieraśnia ŭ Poznani, stanie placoŭkaj dla sustreč i dyskusij: kirmaš inicyjatyŭ, prezientacyi profilnych arhanizacyj i farmat dyskusij FishBowl, dzie ŭdzielniki abmiarkujuć idei dla vyrašeńnia prablem. Prahrama Kanhresa budzie apublikavanaja bližej da mierapryjemstva.
Dałučycca da mierapryjemstva možna praz rehistracyju na Kanhres, padaču zajaŭki na ŭdzieł u kirmašy ci prezientacyi, a taksama praz akredytacyju dla miedyja.
Mierapryjemstva arhanizavana Ofisam demakratyčnych sił Biełarusi ŭ Čechii ŭ supracoŭnictvie z Ofisam Śviatłany Cichanoŭskaj, Abjadnanym pierachodnym Kabinietam i partniorskimi arhanizacyjami pry padtrymcy fondu Rosa Luxemburg Stiftung.
Pavodle pravaabaroncaŭ, na siońniašni dzień u Biełarusi aficyjna pryznanyja palitźniavolenymi 1335 čałaviek.
Cichanoŭskaja sustreniecca ź ministrami zamiežnych spraŭ ES
«Bieź niezaležnaści niama svabody i niama budučyni». Cichanoŭskaja pavinšavała biełarusaŭ z Dniom abviaščeńnia niezaležnaści
«Vy baronicie nie tolki svaju ziamlu — vy baronicie prava ŭsich ludziej žyć u svabodzie». Cichanoŭskaja — da Dnia Niezaležnaści Ukrainy
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary
A pamiaškańnie ŭžo źniata i apłačana. I što rabić?