Novaja premjer Litvy vystupaje za čatyrochdzionny pracoŭny tydzień

Jana padkreślivaje, što na pracoŭnych miescach stanovicca bolš technałohij i dystancyjnaj pracy, što dazvalaje hnutka spałučać pracu i adpačynak. Pavodle jaje słoŭ, bolš karotki tydzień pavysiŭ by praduktyŭnaść.

— «Čatyrochdzionny tydzień — heta pra jakasna adpačyŭšaha rabotnika i jaho bolš praduktyŭnuju pracu za mienš času pry tym zarobku. Ja dakładna nie admaŭlajusia ad hetaj idei i abmiarkoŭvaju jaje z sacyjalnymi partniorami. Majo najvialikšaje žadańnie — kab sacyjalnyja partniory damovilisia», — śćviardžaje I. Ruhinienie.

Prezident Kanfiederacyi biźniesu Andrus Ramanaŭskis nazyvaje hetuju ideju palityčnym futuryzmam, a inšyja pradstaŭniki biznesu kažuć, što kampanii nie hatovy da skaročanaha tydnia — takija źmieny patrabujuć vialikich inviestycyj.

Ale ŭ enierhietyčnaj kampanii «Gijos» 80 % supracoŭnikaŭ pracujuć nie piać, a čatyry dni ŭ tydzień. Takaja madel užyvajecca ŭžo niekalki hadoŭ. Pavodle pradstaŭnicy kampanii, pry skaračeńni kolkaści pracoŭnych dzion pavysiłasia efiektyŭnaść pracy, a ŭ supracoŭnikaŭ zjaviłasia bolš volnaha času dla siamji, chobi i vučoby. 

— «My ŭsie pracujem poŭny rabočy dzień, to bok 40 hadzin u tydzień, ale piatnica ŭ nas dziažurny dzień. My pavinny zabiaśpiečyć bieśpierapynnuju rabotu i akazańnie pasłuh, tamu pa piatnicach supracoŭniki sami vybirajuć, u jakim rytmie pracavać i dzie znachodzicca», — raskazvaje kiraŭnik kamandy pa pracy ź ludźmi i karparatyŭnaj kultury Ruta Balejšenie. 

Tym nie mienš, častka rabotnikaŭ nie moža skarystacca karotkim tydniem. Piataja častka supracoŭnikaŭ kampanii pavinna zabiaśpiečvać bieśpierapynnaje zabieśpiačeńnie klijentaŭ ciapłom i haračaj vadoj.

— «Tam, dzie patrebny režym pracy 24/7, ludzi tak i pracujuć. My imkniomsia kampiensavać heta inšymi matyvacyjnymi srodkami, pakolki jany nie mohuć skarystacca madellu čatyrochdzionnaha tydnia», — tłumačyć Ruta Balejšenie.

Ekanamist Kanfiederacyi pramysłoŭcaŭ zajaviŭ, što pakul uvieści takuju madel u Litvie niemahčyma: biznesu patrebny vialikija inviestycyi, a hrošaj niama.

Bolej za sto hadoŭ tamu byli haračyja dysku̇sii pra nieabchodnaść vaśmihadzinnaha pracoŭnaha dnia. Tady hučali tyja ž arhumienty, malavalisia katastrafičnyja scenary, ale zaraz usie tak pracujuć, i nam heta zdajecca normam, — adkazvaje I. Ruhinienie.

— «Toje ž samaje i z hetaj madellu», — padkreślivaje premjer-ministr.

U adpaviednaści ź dziejnaj madellu čatyrochdzionnaha tydnia ŭ Litvie, z 2023 hoda ŭ šerahu dziaržaŭnych ustanoŭ tak mohuć pracavać baćki, jakija vychoŭvajuć dziaciej da troch hadoŭ.

• 1
• 0
• 0
• 0
• 0
• 0
• 0
• 0