Mierc choča vypravić z Hiermanii dachaty 80% siryjcaŭ. Jaho ŭžo mocna raskrytykavali
Fiederalny kancler Hiermanii Frydrych Mierc paśla sustrečy z prezidentam Siryi Achmiedam aš-Šaraa 30 sakavika zajaviŭ, što choča, kab kala 80% siryjskich biežancaŭ, jakija žyvuć u krainie, viarnulisia na radzimu na praciahu troch hadoŭ. Jon ličyć, što paśla zakančeńnia hramadzianskaj vajny ŭ Siryi mnohija ź ich užo nie majuć patreby ŭ abaronie. Mnohija navat unutry krainy, adnak, ź im nie zhodnyja, piša Welt.
U Hiermanii ŭźnikła chvala krytyki paśla zajaŭ kanclera Frydrycha Mierca pra toje, što da 80% siryjcaŭ, jakija ciapier žyvuć u krainie, pavinny viarnucca na radzimu na praciahu najbližejšych troch hadoŭ. Suprać takich słoŭ vystupili nie tolki apazicyjnyja palityki, ale i partniory pa ŭradavaj kaalicyi.
Pradstaŭniki Sacyjał-demakratyčnaj partyi adznačyli, što nie varta nazyvać kankretnyja ličby i terminy, bo heta stvaraje čakańni, jakija ciažka realizavać. Jany taksama padkreślili, što mnohija siryjcy ŭžo dobra intehravalisia ŭ niamieckaje hramadstva: pracujuć, u tym liku ŭ zapatrabavanych prafiesijach, płaciać padatki i navat atrymali hramadzianstva.
Asobna źviartajecca ŭvaha na rolu siryjcaŭ u miedycynie. U Hiermanii pracuje vialikaja kolkaść siryjskich daktaroŭ i miedsiaścior, i ich adjezd moža niehatyŭna paŭpłyvać na sistemu achovy zdaroŭja.
Pradstaŭniki «zialonych» taksama rezka raskrytykavali zajavy kanclera, adznačyŭšy, što situacyja ŭ Siryi zastajecca niestabilnaj, a dla mnohich ludziej viartańnie pakul niemahčymaje.
Statystyka pry hetym śviedčyć, što bolšaść siryjcaŭ, jakija pryjechali ŭ Hiermaniju jak biežancy, nie imknucca viartacca: za apošni čas na radzimu vyjechała tolki nievialikaja kolkaść ludziej. Tamu dasiahnuć pakazčyka ŭ 80% za karotki termin praktyčna niemahčyma.
Ekśpierty ličać, što płany Mierca vyhladajuć nierealistyčnymi, bo dobraachvotna ŭ Siryju viartajucca tolki adzinki. Tamu dasiahnuć takoj vialikaj doli viartańniaŭ budzie vielmi składana. Zavyšanyja ž čakańni sa ścipłymi vynikami buduć bić pa aŭtarytecie ŭrada Mierca i davać zbroju ŭ ruki jaho apanientaŭ.
Jak pahroza z boku Rasii zrabiła Hiermaniju viadučaj vajskovaj siłaj Jeŭropy
Mierc abvinavaciŭ Trampa ŭ «maštabnaj eskałacyi» kanfliktu ź Iranam
Tramp: Kali dla Jeŭropy vajna ŭ Iranie — nie ich vajna, to i vajna va Ukrainie — nie naša
Mierc rezka raskrytykavaŭ rašeńnie ZŠA źmiakčyć sankcyi suprać rasijskaj nafty
Mierc: Jeŭropa pavinna navučycca havaryć movaj siły
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary