Ruhinienie: Dla pieramoŭ ź Biełaruśsiu ŭžo navat pryznačany čałaviek
Premjer-ministarka Litvy Inha Ruhinienie zajaviła, što dla mahčymaj sustrečy z pradstaŭnikami Biełarusi ŭžo pryznačany adkazny pradstaŭnik. U toj ža čas jana padkreśliła, što takaja sustreča mahčymaja tolki pry vykanańni peŭnych umoŭ ź biełaruskaha boku, paviedamlaje LRT.
«My, biezumoŭna, mahli b pravieści hetuju sustreču, u nas jość adkazny čałaviek, pryznačany dla hetaha, ale my vyrazna pasłali sihnał jak našym stratehičnym partnioram, tak i ŭsiamu hramadstvu, što my majem i peŭnyja ŭmovy. Nie moža być tak, što adzin bok rychtujecca, a druhi bok ničoha nie robić», — cytuje Ruhinienie LRT.
Siarod asnoŭnych patrabavańniaŭ — spynieńnie pieralotaŭ praź miažu pavietranych šaroŭ, jakija vykarystoŭvajucca dla kantrabandy, viartańnie zatrymanych hruzavikoŭ biez dadatkovych vypłat, a taksama niedapuščeńnie nielehalnaj mihracyi.
Ruhinijenie adznačyła, što biez vykanańnia hetych umoŭ ruchu napierad nie budzie, i Litva nie bačyć dastatkovaj hatoŭnaści da supracoŭnictva z boku Minska.
Raniej pradstaŭnik prezidenta ZŠA Džon Koŭł prapanoŭvaŭ arhanizavać sustreču biez papiarednich umoŭ i adnavić tranzit uhnajeńniaŭ praź Litvu. Ale litoŭski bok padkreśliŭ, što ZŠA nie nastojvajuć na hetym pytańni, a tamu abmiarkoŭvać jaho pakul rana.
Taksama adznačajecca, što palityčny dyjałoh pamiž krainami mahčymy tolki ŭ vypadku, kali Biełaruś prademanstruje bolš dobrazyčlivyja dziejańni.
Litoŭski biznesmien prapanavaŭ dazvolić tranzit biełaruskich uhnajeńniaŭ, a hrošy tracić na abaronu
Cichanoŭskaja raskazała pra list da premjera Litvy i adsutnaść adkazu
Da čaho pryviadzie źniaćcie sankcyj ZŠA z kaliju i bankaŭ
Naŭsieda: Dyjałoh ź Minskam mahčymy, tolki kali Biełaruś prajavić susiedskuju dobruju volu
Premjer Litvy: Možna razhledzieć sustreču ź Biełaruśsiu na ŭzroŭni vice-ministraŭ, ale ŭ Vilni jość umovy
Ciapier čytajuć
Biełaruskija repietytary ŭ panicy: praz prablemy «Jandeksa» jany mohuć zhubić materyjały, jakija napracoŭvali hadami3
Kamientary
I nie. Anijakaha dabrazyčliŭstva Litvie čakać nia varta. Terarysty zaŭsiody padmanvajuć, biaruć zakładnikaŭ (u tym liku litoŭskich hramadzian), i ŭ vyniku ładziać złačynstva. Tamu i stasavacca ź imi patrebna mienavita jak z hrupoŭkaj kryminalnikaŭ, a nie "aficyjnaj dziaržavaj". Inakš naŭradci atrymajecca niešta plonnaje. Dy i za prykładam daloka chadzić nia treba: Ukraina ŭžo niejak dapamahła łukašnie z tranzitam kaliju... Tamu nazyvajcie rečy svaimi imionami - i budzie vam ščaście. Ale, padobna, historyja z furami dy litoŭcami ŭ pałonie tak ničomu i nie navučyli.