Kaciaryna Vadanosava achviaruje 10 tysiač jeŭra dla biełaruskich palitviaźniaŭ
Heta hrošy, jakija ŭ jaje zastalisia paśla zboru na lačeńnie maci.
Kaciaryna źbirała hrošy praz «Bajsoł» na lačeńnie maci. Ale cudu, na žal, nie adbyłosia. Sabranyja hrošy pajšli na apłatu pachavańnia i ŭšanavańnia pamiaci. U svaim zbory Kaciaryna dekłaravała, što kali nie ŭsie srodki buduć vykarystanyja, to jana achviaruje ich na inšyja zbory na «Bajsoł».
Z sabranaj sumy zastałosia 10 tysiač jeŭra, hetyja srodki Kaciaryna pieraličvaje na ekstrany zbor dla vyzvalenych 19 sakavika palitviaźniaŭ. Z techničnych pryčynaŭ achviaravańnie adbyvajecca ŭ niekalki pieralikaŭ, «Bajsoł» užo atrymaŭ bolšuju častku z hetaj sumy na ekstrany zbor, paviedamiŭ fond u svaich sacsietkach
Pierad Kaladami 23 śniežnia mama Kaciaryny Neli Vadanosava pieraniesła ciažki insult i trapiła ŭ balnicu. Žančynu paralizavała, jana nie prychodziła ŭ prytomnaść. Daktary apieratyŭna pryjechali, advieźli ŭ špital, praviali apieracyju. «Pałova jaje mozhu zalitaja kryvioj. Heta niezvarotna», — apisvała situacyju Kaciaryna.
U hety čas vyśvietliłasia, što Upraŭleńnie pa spravach inšaziemcaŭ nie ŭniesła pažyłuju žančynu ŭ bazu zastrachavanych. Kaciaryna tady vykazała aściarohu, što rachunak za apieracyju i inšyja miedycynskija manipulacyi moža skłaści ad dziasiatkaŭ da sotniaŭ tysiač złotych. Paśla hetaha chutka byŭ sabrany dabračynny zbor na «Bajsole» na €15 000.
1 studzienia stała viadoma, što mama pamierła.
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary