Prezident ZŠA Donald Tramp zajaviŭ, što kiraŭnik Irana nibyta źviarnuŭsia da amierykanskaha boku z prośbaj spynić ahoń. Pra heta jon paviedamiŭ u svajoj sacyjalnaj sietcy Truth Social, adznačyŭšy, što ciapierašni iranski prezident, na jaho dumku, mienš radykalny i bolš razvažlivy, čym papiarednija.
«Novy prezident Irana, značna mienš radykalizavany i značna razumniejšy za svaich papiarednikaŭ, tolki što źviarnuŭsia da Złučanych Štataŭ Amieryki z prośbaj ab spynieńni ahniu», — napisaŭ kiraŭnik Biełaha doma.
Pry hetym Tramp padkreśliŭ, što ZŠA hatovyja razhladać mahčymaść spynieńnia bajavych dziejańniaŭ tolki paśla taho, jak Armuzski praliŭ stanie adkrytym, biaśpiečnym i svabodnym dla sudnachodstva. Da hetaha času, pavodle jaho słoŭ, amierykanski bok budzie praciahvać žorstkija dziejańni suprać Irana.
Adnak telekanał CNN adznačaje, što niezaležnaha paćviardžeńnia takoha zvarotu z boku Irana pakul niama. Taksama zastajecca niezrazumiełym, ci maje iranski prezident dastatkovyja paŭnamoctvy, kab vystupać ad imia ŭsioj palityčnaj sistemy krainy. Zrešty, mahčyma, što Tramp nasamreč mieŭ na ŭvazie nie prezidenta Masuda Piezieškijana, jaki zajmaje svaju pasadu amal dva hady, a sapraŭdy novaha viarchoŭnaha lidara Irana Madžtabu Chamieniei.
Raniej źjaŭlałasia infarmacyja, što novy viarchoŭny lidar Irana Madžtaba Chamieniei moh pahadzicca na pieramovy z ZŠA. Heta vyhladaje jak źmiena pazicyi, bo da hetaha Tehieran admaŭlaŭ mahčymaść pramych kantaktaŭ z Vašynhtonam i nazyvaŭ paviedamleńni pra dyjałoh niedakładnymi.
31 sakavika ministr zamiežnych spraŭ Irana Abas Arahčy paćvierdziŭ, što pamiž Tehieranam i Vašynhtonam sapraŭdy adbyvajecca abmien paviedamleńniami — jak napramuju, tak i praz pasiarednikaŭ. Ale pry hetym padkreślivajecca, što heta jašče nie aznačaje pačatak paŭnavartasnych pieramoŭ.
AAE hatovyja dapamahać ZŠA siłaj adkryć Armuzski praliŭ
«Ja zaŭsiody viedaŭ, što jany papiarovy tyhr». Tramp zajaviŭ, što razhladaje mahčymaść vychadu z NATA
Pasoł Irana ŭ Rasii nazvaŭ umovy dla dasiahnieńnia miru
Zabity kiraŭnik sudovaj ułady Irana Halam Chasiejn Machseni-Edžei
Prezident Irana zajaviŭ pra hatoŭnaść zaviaršyć vajnu pry harantyi nienapadzieńnia na krainu
«My pakiniem Iran vielmi chutka». Tramp anansavaŭ zakančeńnie vajny niezaležna ad taho, ci budzie ździełka ź Iranam
Ciapier čytajuć
«Kibierpartyzanaŭ» krytykujuć za ŭzłom sajta Nacbiblijateki — bo ciapier nie pracuje katałoh. Tyja adkazali11
Kamientary