Vyjšła śviežaje daśledavańnie samych niedarahich krain dla emihracyi śpiecyjalistaŭ, jakoje rehularna pravodzicca anłajn-płatformaj InterNations i hłabalnaj supolnaściu ekspataš. Jak paviedamlaje CNBC, lidaram rejtynhu sioleta staŭ Vjetnam.
Prajekt nazyvajecca Expat Insider, i asnoŭnym kryteryjem u im źjaŭlajecca košt žyćcia. Respandenty daśledavańnia, što žyvuć u roznych krainach, aceńvajuć svaju zadavolenaść finansavym stanoviščam i dastatkovaść svajho dachodu dla kamfortnaha žyćcia ŭ kankretnaj krainie.
U pieršuju dziasiatku ŭ hetym hodzie, akramia Vjetnama, uvajšli: Kałumbija, Panama, Kitaj, Tajłand, Indaniezija, Filipiny, Mieksika, Małajzija i Brazilija.
Što cikava: pałova krain z top-10 znachodziacca ŭ Paŭdniova-Uschodniaj Azii. Pry hetym 9 z 10 lidaraŭ byli ŭ hetym śpisie i ŭ 2024 hodzie.
Z tych, chto pierajechaŭ u Vjetnam, 89 % udzielnikaŭ apytańnia zajavili, što zadavoleny koštam žyćcia ŭ krainie. A 87 % skazali, što ich dachodu bolš čym dastatkova dla kamfortnaha žyćcia. Dla paraŭnańnia: siaredni pakazčyk u śviecie składaje 69 %.
Darečy, daśledčyki nazvali i top-10 krain z samym vysokim koštam žyćcia, na dumku tych, chto pierajechaŭ tudy. U 2025 hodzie ŭ jaho ŭvajšli:
Kanada, Vialikabrytanija, Finlandyja, Turcyja, Katar, Sinhapur, Paŭdniovaja Kareja, Irłandyja, Aŭstralija i Narviehija.
Kamientary