MARH zarubiŭ inicyjatyvu stvareńnia ŭ Minsku ekśpierymientalnaj kramy biez ceńnikaŭ
Raniej paviedamlałasia, što ŭ Minsku ŭ HC «Avija Moł» adkryłasia krama «Miehatop», dzie na tavary nie raźmiaščalisia tradycyjnyja ceńniki. Hetaja ideja była pradstaŭlenaja jak inavacyjny sposab uzajemadziejańnia z pakupnikami, ale čynoŭniki adrazu dali joj zadni chod, paviedamlaje Blizko.by.
Kab daviedacca canu i charaktarystyki tavaru, kupcy mahli vykarystoŭvać mabilny telefon abo śpiecyjalny skanier, raźmieščany ŭ zale.
Adnak śpiecyjalisty Ministerstva antymanapolnaha rehulavańnia i handlu praviali pravierku i zajavili, što krama nie zabiaśpiečvaje najaŭnaść ceńnikaŭ na tavary i nie padaje pakupnikam svoječasovuju i dakładnuju infarmacyju pra tavary, jak patrabuje zakanadaŭstva ab handli.
U vyniku MARH vydaŭ rekamiendacyju kampanii «Džazz Trejd» likvidavać hetyja parušeńni. Vykanańnie rekamiendacyi budzie znachodzicca pad pastajannym kantrolem viedamstva.
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
Kamientary