U vykrytuju ŭ Jeŭropie špijonskuju sietku ŭvachodziŭ taksist-biełarus z Polščy
Pavodle infarmacyi vienhierskaha vydańnia Telex, u spravie ab špijonskaj sietcy biełaruskaha KDB, akramia byłoha vysokapastaŭlenaha supracoŭnika śpiecsłužbaŭ Małdovy Alaksandra Bałana i biełaruskaha dypłamata ŭ Čechii, fihuruje jašče adzin biełarus, jaki žyvie ŭ Polščy. Jon pracuje taksistam i žyvie niedzie niedaloka ad miažy ź Biełaruśsiu, piša Reform.news.
Jak paviedamlajuć vienhierskija žurnalisty, u chodzie mižnarodnaj kantrraźviedvalnaj apieracyi śpiecyjalisty vyjavili hetaha čałavieka:
«Pa našych danych, u chodzie mižnarodnaj kontrraźviedvalnaj apieracyi ŭ pole zroku śpiecsłužbaŭ trapiŭ taksama inšy mužčyna-biełarus, jaki žyvie ŭ Polščy. Hety mužčyna, jaki žyvie ŭ rajonie polska-biełaruskaj miažy, pracuje taksistam i źjaŭlajecca členam biełaruskaj apazicyi», — havorycca ŭ materyjale Telex.
Vyjści na hetaha biełarusa śpiecsłužbam udałosia dziakujučy kantaktam ź biełaruskimi raźviedčykami, ź jakimi sustrečy pravodziŭ były namieśnik kiraŭnika śpiecsłužbaŭ Małdovy Alaksandr Bałan u Budapiešcie. Pryčym hetyja sustrečy adbyvalisia jašče na pačatku hoda.
Rasśledavańnie pravodziłasia pad ehidaj EUROJUST pry ŭdziele śpiecsłužbaŭ Rumynii, Vienhryi i Čechii, a taksama pry padtrymcy prakuroraŭ hetych krain i Małdovy. U Rumynii byŭ zatrymany były kiraŭnik Słužby infarmacyi i biaśpieki Małdovy Alaksandr Bałan, a z Čechii vysyłajuć aficera KDB Biełarusi, jaki pracavaŭ pad dypłamatyčnym prykryćciom.
Ciapier čytajuć
«Nie chaču čuć «śpierdalaj da Ukrainy» tolki tamu, što razmaŭlaju z baćkami pa telefonie na ruskaj». Biełarusy dzielacca, čamu viartajucca z Polščy6
Kamientary