Alaksandr Łukašenka 8 vieraśnia pryniaŭ z dakładam staršyniu Pałaty pradstaŭnikoŭ Ihara Sierhiejenku, paviedamlaje jaho pres-słužba.
Łukašenka padziakavaŭ staršyni Pałaty pradstaŭnikoŭ i ŭ cełym parłamientarym za tuju pracu, jakuju jany viaduć na mižnarodnym napramku pa prasoŭvańni intaresaŭ krainy, u tym liku źniešnieekanamičnych.
U jakaści prykładu jon pryvioŭ niadaŭni vizit Ihara Sierhiejenki ŭ Vjetnam, dzie išła havorka ŭ tym liku pra mahčymaści supracoŭnictva ź BIEŁAZam i «Biełšynaj».
«Heta jakraz toje, čaho nie chapaje siońnia, i navat členam urada. Kali ty pajechaŭ u kamandziroŭku, značyć adtul treba niešta pryvieźci kankretnaje, — skazaŭ Łukašenka. — Niachaj troški. Ale patrochu treba zachodzić na rynki. Heta dobry prykład kamandzirovak čałavieka, jaki nibyta nie datyčny (pa svajoj pasadzie nie abaviazany zajmacca handlova-ekanamičnym prasoŭvańniem). U nas niama takich ludziej, jakija nie datyčnyja da ekanomiki (asabliva siońnia), da źniešniaha handlu».
«Vy adčuvajecie i viedajecie, što heta samaja vialikaja prablema siońnia ŭ Biełarusi — zamiaścić toj abjom, jaki my nie možam siońnia pradać u siłu peŭnych, abjektyŭnych pryčyn u Rasijskaj Fiederacyi, i na treku dalokaj duhi my pavinny ŭ hetym płanie pracavać», — zaznačyŭ Alaksandr Łukašenka.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary