U Aŭstralii dzied pajšoŭ u sadok pa ŭnuka, a pryjšoŭ dachaty ź inšym dziciom
U aŭstralijskim Sidnei zdaryŭsia niezvyčajny vypadak: pažyły mužčyna vypadkova zabraŭ ź dziciačaha sadka čužoje dzicia zamiest svajho ŭnuka. Incydent adbyŭsia ŭ sadku First Steps Learning Academy ŭ Banhory, paŭdniovym pryharadzie Sidneja, paviedamlaje Bi-bi-si.
Dzied pryjšoŭ zabrać svajho ŭnuka, ale ŭ pamiaškańni, dzie dzicia spała, jon pamyłkova ŭziaŭ inšaha chłopčyka. Pamyłku zaŭvažyli tolki tady, kali maci dziciaci pryjšła ŭ sadok i vyśvietliła, što jaje adnahadovy syn adsutničaje.
Maci paśla raskazała, što supracoŭniki sadka nie mahli dakładna nazvać imia čałavieka, jaki pryjšoŭ, i nie zmohli apisać jaho źniešni vyhlad, akramia taho, što jon byŭ stary i ŭ šortach. Jana taksama padkreśliła, što nie vinavacić dzieda ŭ zdareńni, bo jon sam byŭ pryhołomšany tym, što zdaryłasia, i adrazu pryznaŭ pamyłku. Jak tolki jon zrazumieŭ, što ŭziaŭ čužoje dzicia, to nieadkładna viarnuŭ jaho ŭ sadok.
Žonka dzieda dadała, što jaje muž byŭ sapraŭdy šakavany i vielmi škadavaŭ pra zdareńnie. A ŭ sadku paviedamili, što supracoŭnik, jaki dapuściŭ pamyłku, byŭ adchileny ad pracy. Dyrektarka sadka zajaviła, što heta nadzvyčaj redki i sumny vypadak, jakoha raniej u ich ustanovie nie było. Paśla incydentu ŭ sadku ŭzmacnili pracedury biaśpieki, kab padobnaje nie paŭtaryłasia.
Incydent adbyŭsia na fonie ŭzmacnieńnia ŭvahi da biaśpieki ŭ aŭstralijskich dziciačych sadkach, dzie niadaŭna ŭviedzienyja novyja zakanadaŭčyja miery dla abarony dziaciej.
«Jany mianie saromiejucca». Jak praz 12 hadoŭ žyvie biełaruska, što naradziła dvajniat u 54 hady
Dziciačy sadok u Tałačynskim rajonie zakryvać nie buduć. Baćki źviartalisia da Łukašenki, i jon ich vyrašyŭ pačuć
«Pakul pašpart dziejničaje». Emihranty pra toje, ci nie strašna im adpraŭlać u Biełaruś dziaciej na letnija kanikuły
Kamientary