Kampanii, jakija arhanizujuć pajezdki ŭ Polšču, admianiajuć rejsy
Pieravozčyki, jakija zajmajucca arhanizacyjaj rejsaŭ ź Biełarusi ŭ Polšču, paviedamili vydańniu Office Life, što čakajuć aficyjnych paćviardžeńniaŭ adnosna situacyi z zakryćciom polska-biełaruskaj miažy ŭ suviazi z vučeńniami «Zachad-2025». Bolš zrazumiełaj situacyja stanie ŭ sieradu, 10 vieraśnia.
Pakul ža pieravozčyk Intercars anansavaŭ, što ŭ suviazi z navinoj ab zakryćci miažy z polskaha boku papiarednie da 16 vieraśnia apošnija rejsy adpraviacca ź Biełarusi ŭ Varšavu 10 vieraśnia ŭ 20:30, a z Varšavy ŭ Biełaruś — 11 vieraśnia ŭ 15:40 i 17:00. Pasažyraŭ, u jakich kvitki na bolš poźnija daty, prosiać źviazacca sa słužbaj padtrymki Intercars dla pieranosu kvitkoŭ na bolš rannija vyjezdy.
Pradstaŭniki servisu «Atłas Bas» taksama raskazali Office Life, što pieravozčyki prypyniajuć rejsy ŭ Polšču. U pryvatnaści, źniatyja aŭtobusy Homiel — Poznań na 10,11 i 12 vieraśnia, a taksama Poznań — Homiel na 12,13 i 14 vieraśnia.
Aŭtobusny park Maładziečna admianiŭ rejsy ŭ Varšavu z 10 pa 19 vieraśnia i ŭ zvarotnym kirunku. Usim pasažyram, jakija kupili kvitki na hetyja rejsy praz servis «Atłas», całkam viernuć košt kvitkoŭ.
Ciapier čytajuć
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ3
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary