Niejrasietki robiać cudy z histaryčnaj spadčynaj Biełarusi ŠMAT FOTA
Novaja madel Gemini ad Google zdolnaja viartać daŭno stračanyja pomniki architektury i histaryčnyja centry haradoŭ Biełarusi ŭ ich pieršapačatkovym vyhladzie i robić heta fantastyčna navat na asnovie vielmi drennych fota i staradaŭnich malunkaŭ.
Heta nie fota z paralelnaha suśvietu, dzie Minsk nie byŭ źniščany ŭ Druhuju suśvietnuju vajnu, heta praca niejrasietki Gemini, jakaja zdolnaja zrabić sučasnuju hipierrealistyčnuju vyjavu navat ź vielmi błahoha histaryčnaha fota. Fota: telehram-kanał «Spadčyna»
Telehram-kanał «Spadčyna» apublikavaŭ halereju vyjaŭ, jakija byli stvoranyja novaj madellu Nano Banana (Gemini 2.5 Flash Image) ad Google na asnovie histaryčnych fotazdymkaŭ i malunkaŭ. Vynik sapraŭdy ŭražvaje svajoj efiektnaściu.
Pieršym aŭtar vybraŭ zrobleny z hatela «Jeŭropa» zdymak płoščy Svabody ŭ Minsku. Fatahrafija była ŭ vielmi błahoj jakaści — ziarnistaja i nievyraznaja, tamu spadziavacca na bolšaje, čym zvyčajnuju kałaryzacyju, jakuju robiać inšyja niejrasietki, nie davodziłasia.
Adnak niejrasietka nie prosta kałaryzavała fota, jana siarod miešaniny čorna-biełych piksiełaŭ zmahła zrazumieć, dzie na addalenych budynkach fota lištvy, dzie bałkony, a dzie — minaret i kupał Sabornaj miačeci ŭ Tatarskim kancy, ledź bačnyja na fota.
Aryhinalnaje fota maje nizkuju jakaść: šmat šumu i nievialikaje razroźnieńnie. Ale dla Gemini heta nie prablema
Apracavanaje fota vyhladaje tak, byccam niechta z akna hatelu sfatahrafavaŭ płošču na svoj smartfon litaralna ŭčora.
Hałoŭny plus madeli — jana dastupna biaspłatna absalutna ŭsim, chto maje akaŭnt u Google: dastatkova prosta pierajści ŭ AI Studio, vybrać Try Nano Banana, zakinuć histaryčny fotazdymak i napisać na luboj movie, što vy chočacie atrymać u vyniku — naprykład, prosta «palepšy hetaje fota» — vielmi časta ničoha bolš nie treba. Kolkaść zapytaŭ za dzień abmiežavanaja, ale vielmi vialikaja.
Ciomnyja Kramy ŭ Minsku na fotazdymku 1941 hoda. Usie budynki na fota źniščany paśla vajny. Ciapier tut leśvica da pravasłaŭnaha Śviata-Duchavaha sabora
«My narešcie možam pabačyć histaryčnyja harady i miastečki Biełarusi takimi, jakimi b jany musili być siońnia — va ŭsim charastvie baroka i z surovymi murami staražytnych kamianic.
Heta vielmi dobry i vielmi zrazumieły, navočny sposab pakazać biełarusam, što jany nasamreč stracili, i dać zrazumieć, što kali heta moža adnavić niejrasietka, to zdolejem adnavić i my ŭ natury», — piša «Spadčyna».
Nano Banana dazvalaje nie tolki palepšyć fota, ale i adramantavać pomniki na fota: załadzić dziry ŭ tynkoŭcy, viarnuć vokny ŭ zakładzienyja prajomy, abrazy — u ałtary. Možna zahadać joj dadać anturažu — łavy dla parafijan, ałtar z carkoŭnym načyńniem, śviečki i karunkavyja abrusy, ułasna samich ludziej — na što chopić vašaj fantazii.
Kojdanaŭskaja vulica (ciapier Revalucyjnaja) ŭ Minsku na fotazdymku pačatku XX stahodździa
Taksama moža nakłaści na sučasnaje fota čarciož niedabudavanaj častki ci elemienta — i Gemini u stanie namalavać jaje tak, byccam jana zaŭsiody tam była.
Niejrasietka zdolnaja admalavać in situ
U zychodnym miescy ci ŭ tym miescy, dzie štości pavinna być.
pomnik, jakoha nikoha nie było, abo cełuju miascovaść pa malunkach XVIII-XIX stahodździa, vielmi dalokich pa dakładnaści ad luboha fota — heta značna pašyraje ikanahrafiju pomnikaŭ.
My narešcie možam pahladzieć, naprykład, na źniščanaje Bieraście, jakim jaho mahli bačyć da budaŭnictva krepaści. Nie kažučy pra toje, što taja ž niejrasietka moža stylizavać vyjavu dla dziciačaj knihi ci pad kankretny dyzajn błoha. Spadčyna stanovicca bolš bačnaj i dastupnaj.
Fota kaścioła ŭ Tarakani Drahičynskaha rajona vyhladaje tak, byccam zroblena ŭ naš čas, ale, na žal, heta praca niejrasietki, kaścioła siońnia nie isnuje. Fota: telehram-kanał «Spadčyna»
U niejrasietki jość mocny navukovy patencyjał, bo jana ŭmieje bačyć i vyjaŭlać toje, što moža nie zaŭvažyć čałaviečaje voka, jana moža dapamahčy daśledčykam pravieryć svaje hipotezy, restaŭrataram — padabrać najlepšy varyjant adnaŭleńnia stračanaha jašče na stadyi eskiza. Pole vykarystańnia nadzvyčaj šyrokaje.
Ale ŭ Nano Banana jość i drennyja baki. Jana pracuje randomna, pa pryncypie prylivaŭ i adlivaŭ ź nieviadomym hrafikam: u adzin čas jana moža vydać idealny vynik ź pieršaj sproby, u inšy — možna hadzinami damahacca ad jaje choć niešta. U biaspłatnaj viersii Gemini chutka zabyvaje zapyty, błytajecca ŭ pakazańniach i nie zaŭsiody razumieje, što ad jaje chočuć.
Kali vam nie spadabajecca vynik, aŭtar raić stavić dyzłajki, naciskać na knopku Return ci prosta sprabavać toje ž samaje ŭ inšym čacie.
«Prosta sprabujcie i dzialiciesia vynikam — u nas zastałosia tak šmat fota i tak mała pomnikaŭ, moža, Gemini viernie nam spačatku pamiać, a paśla i toje, što my stracili, ale jašče možam viarnuć!»
Vypraŭleny fotazdymak Trajeckaha pradmieścia. Niekatoryja detali nie zusim dakładnyja, ale dziŭna ŭvohule, što niejrasietka zmahła choć niešta zrabić z hetym fota. Fota: telehram-kanał «Spadčyna»
Interjer źniščanaha savietami kaścioła ŭ Stoŭbcach, jakomu Gemini viarnuła baročny kałaryt, abrazy i łavy dla viernikaŭ. Fota: telehram-kanał «Spadčyna»
Redkaje kalarovaje fota razrabavanaha kaścioła jezuitaŭ u Mahilovie
Niejrasietka Gemini nie tolki zmahła pravieści ramont kaścioła i častkova adnavić kałaryt, ale i źmianiła rakurs na bolš simietryčny. Fota: telehram-kanał «Spadčyna»
Kaścioł u Karališčavičach u pačatku XX stahodździa. Budynak zachavaŭsia da našaha času, ale ŭ źniaviečanym stanie. Fota nizkaj jakaści
Palepšanaje Gemini fota dakładna adnaŭlaje ŭsie detali histaryčnaha abjomu, robić pomnik sakavitym i abjomnym. Fota: telehram-kanał «Spadčyna»
Fota kaścioła i pažarnaj čaści ŭ histaryčnym centry Homiela, źniščanych za savieckim časam, apracavanyja niejrasietkaj Gemini. Fota: lets_cook_for_fun_1
Nastupnyja prykłady zroblenyja ŭ niejrasietkach, ale, mahčyma, nie tolki ŭ Gemini, što daje šyrejšaje razumieńnie mahčymaściej niejrasietak siońnia.
Biernardzinskija kaścioły i manastyry ŭ Brest-Litoŭsku: mužčynski i žanočy. Fejsbuk Viktara Bajkoŭskaha
Vysokaje-Litoŭskaje. Pa matyvach litahrafii z malunka Napaleona Ordy. Fejsbuk Viktara Bajkoŭskaha
Klaštar kartezijancaŭ u Biarozie-Kartuzskaj. Pa matyvach litahrafii z malunka Napaleona Ordy. Fejsbuk Viktara Bajkoŭskaha
Mieračoŭščyna i Kosaŭski zamak na litahrafii z malunka Napaleona Ordy. Źviarnicie ŭvahu, što na malunku leta
Mieračoŭščyna i Kosaŭski zamak na asnovie litahrafii z malunka Napaleona Ordy. Źviarnicie ŭvahu, što niejrasietka pieratvaryła malunak u zimovy. Fejsbuk Viktara Bajkoŭskaha
Navahrudak. Pa litahrafii z malunka Napaleona Ordy. Fejsbuk Viktara Bajkoŭskaha
Janaŭ. Pa litahrafii z malunka Napaleona Ordy. Fejsbuk Viktara Bajkoŭskaha
Supier, zhodny, tolki heta nijakaja NIE "Biełaruś", - heta u absalutnaj bolšaści zdymkaŭ i malunkaŭ - samaja što ni na jość Litva.
Najpierš nie hałasi!
14.09.2025
Hetyja "fatahrafii" pakazvajuć davoli utulna abžytyja čałaviekam miaściny. Jašče raz prymušaje zadumacca pra znos i pierabudovu našych viaskovych i haradskich miaścinaŭ.
Y
14.09.2025
Supier! Nievierahodnaja dapamoha tym, chto robić histaryčny kantent ci knihi pa historyi. Jašče b dačakacca tannych servisaŭ, jakija b realistyčna ažyŭlali takija zdymki.
Ciapier čytajuć
U Barysavie vaśmikłaśnik upaŭ z dachu šmatpaviarchovika
«Dumaŭ, miažu zakryjuć tolki na ŭjezd». Biełarus raskazaŭ, jak viartaŭsia na aŭtamabili ź Jeŭrasajuza
Smart-hadzińniki školnikam usio ž taki dazvolili
Rasijski pasoł: Polšča jašče budzie apraŭdvacca za zakryćcio miažy44
Da «Dnia narodnaha adzinstva» pamiłavali 25 čałaviek11
Ekśpiert patłumačyŭ litoŭcam, čamu biełarusy vybirajuć Litvu i jaki heta patencyjał dla budučyni11
Biełaruska zrabiła novy pašpart, a jon akazaŭsia niesapraŭdnym: Daviedałasia pra heta ŭ aeraporcie22
Polšča nie adkryje miažu i paśla skančeńnia vučeńniaŭ «Zachad»5959
Da «Dnia narodnaha adzinstva» pamiłavali 25 čałaviek1
Kamientary
Jašče raz prymušaje zadumacca pra znos i pierabudovu našych viaskovych i haradskich miaścinaŭ.