Dla žurnalista Ihara Iljaša prakuror zapatrabavaŭ 4 hady źniavoleńnia
12 vieraśnia adbyłosia čarhovaje pasiadžeńnie Minskaha haradskoha suda pa spravie žurnalista i palityčnaha analityka Ihara Iljaša. Na im prakuror zapatrabavaŭ dla jaho 4 hady źniavoleńnia i 100 bazavych adzinak štrafu, paviedamiŭ u fejsbuku žurnalist Siarhiej Vahanaŭ, dziadula žonki Ihara Iljaša, palitźniavolenaj Kaciaryny Andrejevaj.
Iharu Iljašu było dadziena apošniaje słova, u jakim jon adchiliŭ usie abvinavačańni ŭ inkryminavanych jamu złačynstvach, a svaju vinu nie pryznaŭ.
Nastupnaje pasiadžeńnie pryznačana na 16 vieraśnia. Na im, najchutčej, budzie vyniesieny prysud.
Žurnalista Ihara Iljaša abvinavačvajuć u dyskredytacyi Respubliki Biełaruś i ŭ sadziejničańni ekstremisckaj dziejnaści. Pra jaho zatrymańnie 22 kastryčnika 2024 hoda paviedamili praŭładnyja ŚMI, śćviardžajučy, što žurnalist davaŭ intervju niezaležnym i zamiežnym miedyjam, u tym liku ŭkrainskim, što nibyta mahło być vykarystana suprać dziaržavy.
Sam Iljaš na videazapisie adznačyŭ, što da lipienia 2021 hoda pracavaŭ na telekanale «Biełsat», paśla čaho staŭ fryłansieram. Jon pryznavaŭ, što davaŭ intervju roznym ŚMI, u tym liku tym, što ŭ Biełarusi pryznanyja «ekstremisckimi farmavańniami».
22 listapada 2024 hoda pravaabaroncy pryznali Ihara Iljaša palityčnym viaźniem. Raniej, u lipieni 2021 hoda, jaho ŭžo zatrymlivali na 10 sutak pa inšaj spravie, jakaja dalejšaha raźvićcia nie atrymała.
Žonka Iljaša, Kaciaryna Andrejeva (Bachvałava), razam ź videaapieratarkaj Darjaj Čulcovaj była zatrymanaja ŭ listapadzie 2020 hoda padčas tranślacyi razhonu ludziej, jakija pryjšli ŭšanavać pamiać aktyvista Ramana Bandarenki. U lutym 2021 hoda sud pryhavaryŭ ich da dvuch hadoŭ pazbaŭleńnia voli, pryznaŭšy palityčnymi viaźniami.
U lipieni 2022 hoda Kaciaryna Andrejeva atrymała 8 hadoŭ pazbaŭleńnia voli pa abvinavačańni ŭ zdradzie dziaržavie, z ulikam papiaredniaha prysudu termin skłaŭ 8 hadoŭ i 3 miesiacy. Jaje skarhu ŭ Viarchoŭnym sudzie ŭ vieraśni 2022 hoda nie zadavolili, ale farmuloŭku abvinavačańnia źmianili na «špijanaž».
«Pavinien byŭ pisać, jak choča ekśpiert». Što pakazała dziaržaŭnaja psichalinhvistyčnaja ekśpiertyza artykułaŭ palitviaźnia Ihara Iljaša
Film «Pad šerym niebam», dzie pratatypam stała Kaciaryna Andrejeva, vychodzić u polski prakat
Žurnalista Ihara Iljaša abvinavačvajuć pa dvuch kryminalnych artykułach
Dypłamaty pryjšli da budynka suda, kab padtrymać Iljaša
Ciapier čytajuć
U Drazdach vystavili na prodaž katedž z rekordnaj canoj — $7,5 miljona ŠMAT FOTA3
Kamientary